Rafa Domínguez agradece a xenerosidade do Centro Galicia de Bos Aires por ceder o cadro “A derradeira lección do mestre” de Castelao ao Museo de Pontevedra

O vicepresidente da Deputación de Pontevedra, Rafa Domínguez, agradece a xenerosidade do Centro Galicia de Bos Aires pola cesión do cadro “A derradeira lección do mestre” de Castelao ao Museo de Pontevedra. “O que sempre quixen, desde que chegamos á Deputación, foi que esta emoción a poidan sentir milleiros de galegos que van poder desfrutar deste cadro en Pontevedra”, confesou Domínguez ao contemplar unha pintura que representa “a irmandade que hai entre Galicia e os galegos que están na Arxentina”.