Home Lugo A Xunta aposta pola mellora paisaxística da Ribeira Sacra co acondicionamento do...

A Xunta aposta pola mellora paisaxística da Ribeira Sacra co acondicionamento do miradoiro de Soutochao no concello de Sober

- Anuncio -
  • Ángeles Vázquez incide no obxectivo de dotar a veciñanza e visitantes dun espazo desde o que desfrutar dos excepcionais valores estéticos da paisaxe da contorna
  • Esta actuación levouse a cabo ao abeiro do Plan de Acción da Paisaxe na Ribeira Sacra, un dos 10 proxectos que integran o Plan de Acción Estratéxico para esta zona, que conta cun orzamento de 4,5 M€

A Xunta de Galicia aposta pola mellora paisaxística da Ribeira Sacra co acondicionamento do miradoiro de Soutochao, no concello de Sober, que hoxe visitou a conselleira de Medio Ambiente e Cambio Climático, Ángeles Vázquez.

Este novo miradoiro panorámico dos Itinerarios de Interese Paisaxístico na Ribeira Sacra ofrece aos visitantes unha vista única e privilexiada dos elementos tanto arquitectónicos como naturais da contorna, así como dos bancais de vides que caracterizan esta zona.

Nesa liña, a conselleira explicou que o Goberno galego levou a cabo esta actuación co obxectivo de dotar a veciñanza e visitantes dun espazo desde o que desfrutar dos “excepcionais valores estéticos da paisaxe” da contorna e, ao mesmo tempo, crear un área de información sobre os fitos de interese do itinerario de interese paisaxístico que comeza neste punto da parroquia de Doade.

Así, ao abeiro do Plan de acción estratéxico para a Ribeira Sacra, investíronse preto de 20.000 euros na instalación de paneis informativos, bancos e aparca-bicicletas. A maiores, acondicionouse o aparcadoiro e cubríronse os contedores.

Plan de Acción Estratéxico para a Ribeira Sacra

Esta actuación levouse a cabo ao abeiro do Plan de Acción da Paisaxe na Ribeira Sacra, un dos 10 proxectos que integran o Plan de Acción Estratéxico para esta zona, posto en marcha pola Consellería de Medio Ambiente e Cambio Climático, e que, cun orzamento de 4,5 millóns de euros, representa unha estratexia de actuación ambiental e de ordenación do medio físico que beneficia a un total de 30 concellos.

En concreto, este Plan de acción da paisaxe supuxo un investimento de 133.000 euros no trienio 2021-2023 en diversas actuacións como o acondicionamento, mellora e instalación de equipamentos; a colocación de mobiliario e sinalización, e as plantacións de arboredos autóctonos.

Máis polo miúdo, Ángeles Vázquez explicou que se actuou nos lugares polos que discorren os dous itinerarios de interese paisaxístico con valores panorámicos: a ruta 16 -entre San Fiz de Asma e Os Peares– e a ruta 17 -desde Soutochao ata Os Castros-. E, dominando as vistas para estes dous itinerarios, construíuse o miradoiro panorámico do Alto da Picota-Os Peares, no concello de Carballedo.

Relacionadas

A Fundación Galicia Europa inaugura a 20ª edición do curso de financiamento eurpeo...

0
Este curso brinda ás entidades galegas a oportunidade de coñecer o funcionamento dos fondos da UE e o proceso de presentación de proxectos europeos A...

A Xunta realiza un simulacro de activación do Plan de Emerexencia Exterior de CEPSA...

0
O director xeral de Emerxencias e Interior, Santiago Villanueva, participou na coordinación do exercicio para comprobar a eficiencia do operativo ante unha emerxencia realDurante...

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

A Xunta salienta a colaboración entre o laboratorio de Medio Ambiente de Lourizán e Augas...

0
— Paula Uría subliña que estas instalacións se especializan na realización de análises biolóxicas e no control de calidade das augas naturais, con máis...

González reafirma o compromiso co emprendemento e o emprego para xerar riqueza e fixar...

0
José González destacou a aposta por cubrir as arredor de 15.000 vacantes laborais existentes, coa ferramenta EMi que liga oferta e demanda con intelixencia...

A Xunta pon en valor o papel das Oficinas de asistencia ás vítimas na...

0
O director xeral de Xustiza, José Tronchoni, e o director xeral de Loita contra a Violencia de Xénero, Roberto Barba, participaron hoxe nunha...

Publicacións Relacionadas