Home Lugo A Mariña Occidental Artigo de opinión por Míriam Bermúdez: Quen asume a responsabilidade?

Artigo de opinión por Míriam Bermúdez: Quen asume a responsabilidade?

- Anuncio -

Remata, por fin, a tortura para a traballadora de limpeza do Concello de Viveiro, quen se viu obrigada a interpoñer unha demanda contra o mesmo para pelexar polo seu posto de traballo, conseguindo que se declarase NULO o seu despedimento. Case cinco anos de trámites legais, dous xuízos costeados do seu peto, para facer entrar en razón a unha alcaldía que insiste en resolver os asuntos laborais das traballadoras do Concello nos xulgados. Por que aprobou o Goberno a (re)contratación do servizo de limpeza do CEIP Celeiro cando xa existía unha traballadora para esta mesma tarefa recoñecida como persoal laboral indefinido do Concello meses antes? De non facelo, todo isto teríase evitado, quen son responsables?

Afirmaba no pleno do pasado martes María Loureiro, que os trámites xudiciais non tiñan coste para o Concello. Pois fagan a conta: a asesoría xurídica do Concello, pagada con cartos públicos; máis o servizo de limpeza do colexio de Celeiro por duplicado: por un lado a empresa que está contratada polo concello, e por outro a traballadora que hai que reincorporar, sumando os soldos atrasados dende hai máis dun ano e unha indemnización por danos morais, lóxicamente.

Non sería por non advertir dende o BNG que as decisións que se estaban tomando non eran as axustadas, mais hai quen ten por diante sempre o rédito político, no canto de exercer un bo goberno, respectuoso, crendo que este proceso pasaría desapercibido como tantos outros que levan ocorrido baixo o mandato desta alcaldesa. Un goberno de escaparate?

Ofendíase e atacaba a alcaldesa ao BNG esixindo que se desculpara. Vista a sentenza, non lle vamos pedir que se desculpe vostede agora. Vámoslle pedir que goberne do lado das veciñas e veciños de Viveiro, e non na súa contra, como fixo.

Relacionadas

3 de decembro: a data que visibiliza a desigualdade no cumprimento de dereitos das...

0
COGAMI e o seu movemento asociativo reclaman o compromiso por parte das Administracións para garantir o cumprimento das leis da discapacidade, e a sostibilidade...

Veciñanza da Misericordia continúa á espera da prometida reunión co goberno municipal

0
A veciñanza da Misericordia continúa agardando pola reunión que a alcaldesa anunciou que ía manter con ela e xunto cos técnicos municipais, no pasado...

Román Rodríguez felicita aos compañeiros de Mondoñedo, Ponte Caldelas, Ponteceso e Boqueixón pola declaración...

0
— Representantes dos catro municipios avalaron a candidatura española liderada polo Ministerio á que se adheriron varias comunidades como Galicia, que participa dentro da...

Míriam Bermúdez propón mellorar as paradas de bus con postes informativos cos destinos, horarios...

0
O noso concello conta con máis de 60 liñas de autobús que unen as 12 parroquias de forma continuada e diaria, así como tamén...

ASOCIM recibe o Meninas 2022:”Ás profesionais dos CIM que traballan día a día para...

0
· ASOCIM reivindica a implicación das traballadoras dos CIM na erradicación da violencia de xénero desde a formación especializada en igualdade A Asociación de Profesionais...

BNG anima a participar de forma masiva na mobilización de mañá en defensa do...

0
Míriam Bermúdez, voceira do BNG de Viveiro, incide en que "no centro de saúde de Viveiro faltan os dous profesionais de pediatría, os cales...

Publicacións Relacionadas