test
Home Lugo O concello de Muras premio Eolo 2021 á Integración Rural da Eólica

O concello de Muras premio Eolo 2021 á Integración Rural da Eólica

- Anuncio -

O concello lucense de Muras vén de ser recoñecido co Premio Eolo á Integración Rural da Eólica “por tratarse dunha comarca modélica no desenvolvemento eólico” segundo o xurado reunido en Madrid o pasado 26 de maio. A Asociación Empresarial Eólica (AEE) outorga os Premios Eolo como un recoñecemento á enerxía eólica en España e, nesta X Edición, participaron máis de 300 candidatos nas distintas categorías.

A implantación desta enerxía no territorio de Muras comezou hai 20 anos. Este concello, de algo máis de 163 km cadrados e con 614 habitantes, ten unha potencia eólica instalada de 485 MW repartidos en 15 parques eólicos e 381 aeroxeradores das empresas Acciona, Endesa, HEI do Arnoya SL, Iberdrola e Norvento. Foi xa en 1995 cando comezaba a construción do primeiro parque eólico na zona. Muras, como tantos concellos do interior galego, baseaba a súa economía na agricultura e gandería, e nos anos 50-60 do pasado século a emigración xunto co descenso da natalidade provocaron baleiros demográficos. Polo que co tempo, o principal motor económico do concello era a fábrica de produtos plásticos do Grupo Ferro, que segue dando emprego na localidade.

Pero a chegada dun novo equipo rexedor en 2015 encabezado Manuel Requeijo -reelixido nas eleccións munipais de 2019- significou o comezo de novos enfoques ante esta realidade. “O que buscamos dende o comezo”, explica o alcalde, “é que os beneficios da enerxía eólica redundasen nos lugares onde están asentados os parques e os muíños. No noso caso, que beneficiasen aos veciños e veciñas de Muras”.

Aproveitar os recursos. Habida conta de que máis do 50% dos recursos municipais proveñen dos parques eólicos polo Imposto de Actividades Económicas, o IBI de características especiais, e subvencións autonómicas como o Fondo de Compensación Ambiental, “decidimos dende un comezo”, continúa o alcalde, “que os impostos que xeneran os parques revertisen ao 100% na zona”. Finalmente a decisión foi que os recursos fosen a subvencionar actuacións que mellorasen a calidade de vida dos veciños de xeito directo: axudas para o pago da factura da luz desde 2017 (chegan ata os 77.000 euros no orzamento), axudas á natalidade, bonos e medidas de conciliación para fomentar a permanencia no municipio, investimentos de substentabilidade enerxética (instalación de enerxías renovables para servizos públicos, adquisición de vehículos eléctricos, e instalación de puntos de recarga); mellora de prestacións sociais, rehabilitación e mellora de infraestruturas municipais e acondicionamento urbano xeneral (rede de subministración de auga potabilizada e adecuación á normativa das existentes), así como a reconversión de antigas escolas en locais sociais, espazos para autocaravanas e observatorios do ceo e as estrelas. De feito o pasado decembro Muras alcanzou a consideración de Concello Starlight, ao estar exento de contaminación lumínica.

Se ben os proxectos eólicos favoreceron novos impulsos na zona, o goberno municipal é partidario “dun modelo enerxético máis xusto, no que a Xunta de Galicia participe tamén das explotacións”. Pensa que cómpre “revisar o plan éolico de Galicia” e aunar os intereses de todas as partes creando sinerxias entre as distintas administracións.

Dende a Corporación, en todo caso, significan que están “moi contentos por este recoñecemento”, animando a outros concellos a facer o mesmo para mellora a calidade de vida dos seus veciños. Tamén agradecen a implicación nesta candidatura de Acciona, Asociación Eólica de Galicia, Iberdrola, Norvento Enerxía, Enel Green Power, Sincro Mecánica (Grupo Intaf) e Tesicnor.

Relacionadas

Centros de FP de Vigo, A Coruña, Ferrol, Burela, Lugo, Monforte e Ourense proclámase...

0
— Os participantes tiveron que afrontar a solución de 10 retos tecnolóxicos presentados por distintas empresas referentes da nosa comunidade — Resultaron gañadores os centros...

Cuntis, protagonista no XVII Encontro de Vilas Termais que congrega en Guitiriz a máis...

0
• O alcalde cuntiense, Manuel Campos, actual vicepresidente desta  entidade promovida pola Federación Española de Municipios e  Provincias (FEMP), impartiu unha conferencia sobre a...

Luis Menor clausura en Guitiriz a Asemblea Constitutiva e XVII Encontro de Vilas Termais...

0
O presidente provincial e tamén presidente da Rede de Vilas Termais da FEMP, clausurou a asemblea deste organismo que tivo lugar no Iberik Gran...

A Xunta ultima a licitación das obras daa intermodal de Lugo coa previsión de...

0
O conselleiro de Presidencia, Xustiza e Deportes, Diego Calvo, acompañou ao ministro de Transportes e Mobilidade Sostible, Óscar Puente, na visita ás obras, e...

Diego Calvo reúnese co xefe provincial da Policía Autonómica en Lugo con motivo da...

0
O conselleiro de Presidencia, Xustiza e Deportes, Diego Calvo, acompañado polo comisario xefe da Policía Autonómica, Jorge Rubal, reuniuse hoxe co xefe provincial da...

Anxo Queiruga renova a presidencia de COCEMFE, entidade estatal representativa da discapacidade física e...

0
Máis de cen representantes de entidades estatais, autonómicas e provinciais apoiaron a candidatura de Queiruga por unanimidade. Este veciño de Porto do Son, afincado en...

Publicacións Relacionadas