Home Terra Chá Begonte A Xunta colabora na mellora de dous parques infantís no concello lucense...

A Xunta colabora na mellora de dous parques infantís no concello lucense de Begonte

- Anuncio -

— A directora xeral de Administración Local, Natalia Prieto, comprobou hoxe as actuacións realizadas nestas instalacións, que contan cunha axuda de preto de 35.000 euros no marco da Orde de Infraestrutura de uso público

A directora xeral de Administración Local, Natalia Prieto, acompañada do delegado territorial da Xunta en Lugo, Javier Arias, visitou esta mañá as melloras realizadas nos parques infantís dos lugares de Illán e Baamonde, no concello de Begonte, co que a Xunta colaborou no marco da Orde de Infraestruturas de uso público cunha achega de preto de 35.000 euros.
Natalia Prieto explicou que as obras tiveron como obxectivo mellorar os espazos de ocio dos nenos que foran construídos hai anos e que se atopaban en mal estado de conservación. Con esa finalidade, colocouse unha soleira e pavimentouse a zona de xogos, ademais de substituír os elementos e delimitar o recinto cun peche de seguridade.
Con esta actuación dotouse ao concello dun servizo público para o lecer dos máis pequenos, o que contribúe a mellorar a calidade de vida dos cativos de Begonte e da súa veciñanza en xeral.
O Goberno galego destina este exercicio á convocatoria da Orde de Infraestruturas de uso público 4 millóns de euros, mantendo o orzamento do ano pasado despois de incrementalo en 2020 nun millón de euros. Así, a Administración autonómica financia os proxectos dos concellos galegos para a creación e/ou mellora das infraestruturas, dotacións, instalacións e equipamentos vinculados á prestación de servizos municipais.
Natalia Prieto destacou o compromiso da Xunta de manter o apoio que precisan os municipios para levar a cabo actuacións en beneficio dos seus veciños. No caso de Begonte, o Goberno galego leva investido máis de 530.000 euros en melloras ambientais e de infraestruturas.

Relacionadas

A Xunta seguirá apoiando ao sector gandeiro frone aos danos da fauna silvestre e...

0
— Os orzamentos do ano que vén reservan 906.000 € para previr os ataques destas especies, á vez que se mantén a partida de...

A Xunta convida aos centros educativos a participar no curso de imaxes gráficas e...

0
― A Xunta abre hoxe e ata o 15 de novembro o prazo para que o alumnado de centros de primaria, secundaria, bacharelato, formación...

A Xunta reforza a reactivación do termalismo galego coa posta en marcha do “Outono...

0
― A directora de Turismo de Galicia, Nava Castro, e a presidenta da Asociación de Balnearios de Galicia, Marisol Espiño, presentaron o programa, co...

Aberto o prazo de inscrición do curso de especialización en financiamento europeo da Fundación...

0
Ao longo de cinco xornadas, repartidas entre o 9 e o 19 de novembro, os asistentes abordarán todos os aspectos relativos ao novo Marco...

A Xunta promove o encontro de destacados gaiteiros da Península Ibérica a través do...

0
— Entre os días 23 e 31 de outubro, seis afamados intérpretes de Galicia, Cataluña, Aragón, Asturias, Castela e León e Portugal actuarán en...

Feijóo pide á vicepresidenta Ribera reorientar a transición enerxética cara a unha transición xusta,...

0
 No tocante a unha transición xusta, propón que do fondo que lle corresponde á Comunidade neste eido, é dicir 111 millóns de euros,...

Publicacións Relacionadas