A Policía Local do Concello de Ourense informa de que a celebración, pasado mañá, domingo, 30 de xuño, da carreira popular Trail Oira – Santomé ocasionará restricións puntuais do tráfico de vehículos na contorna dos lugares de Mende e Santomé. Será entre as 10.00 e as 13.30 horas, e consistirán en desvíos ou restricións puntuais de tráfico coa finalidade de que a carreira se poida desenvolver nas condicións de seguridade necesarias.
O Trail Oira – Santomé está organizado polo Consello Municìpal de Deportes do Concello de Ourense dentro do circuíto de carreiras populares Correndo por Ourense 2024. Comezará ás 11.00h coa categoría de Pitufos, ás 11.05h con Sub10 e Sub12 , ás 11.15h con Sub14 e Sub16 e ás 11.30h coa categoría absoluta, con percorrido: Oira, pasarela de Oira, pasarela do Río Lonia, Parque da Lonia, Ponte da Lonia, senda fluvial, colexio de Mende, Verea Vella, San Tomé e volta a Oira polo mesmo itinerario.
