test
Home Valdeorras A Veiga A Deputación colaborará co Concello da Veiga en proxectos de saneamento, abastecemento...

A Deputación colaborará co Concello da Veiga en proxectos de saneamento, abastecemento e humanización

- Anuncio -

O presidente do goberno provincial, Manuel Baltar, mantivo un encontro de traballo co alcalde da Veiga, Juan Anta

Manuel Baltar comprometeu o apoio ás novas iniciativas de cooperación propostas polo rexedor arredor de seguir mellorando os servizos públicos para os veciños da Veiga, a colaboración cos gandeiros ou a colaboración en actividades dinamizadoras

O presidente da Deputación de Ourense, Manuel Baltar, mantivo un encontro de traballo no Pazo Provincial co alcalde da Veiga, Juan Anta, para abordar novas iniciativas de colaboración entre ambas administracións deseñadas co obxectivo de seguir mellorando os servizos públicos para os veciños da Veiga.

“Unha reunión moi satisfactoria, definitoria do que é a cooperación diaria entre a Deputación e os concellos ourensáns, que saben que teñen nesta administración o seu mellor aliado para os seus proxectos”, segundo valorou o presidente do goberno provincial, que garantiu o respaldo da Deputación á cooperación en iniciativas de saneamento, abastecemento e humanización.

Ademais, Manuel Baltar e Juan Anta coincidiron en perfilar futuros convenios xunto á Xunta de Galicia para, entre as tres administracións -local, provincial e autonómica-, levar a cabo novas obras no concello que “permitan avanzar no noso proxecto común: unha Veiga dinámica e con moito futuro, e cada día con máis capacidade para fixar poboación”, segundo detallou o alcalde, que tamén prantexou a necesidade de seguir reforzando a colaboración cos gandeiros do municipio e en iniciativas de dinamización.

“Todos estes proxectos son fundamentais para A Veiga” remarcou Manuel Baltar, que destaca a “magnífica labor cotiá de Juan Anta e de todo o equipo municipal, con probada capacidade para desenrolar as potencialidades da Veiga a través de propostas ben planificadas e que sempre contarán co máximo compromiso deste goberno provincial”.

Pola súa banda, o alcalde destacou a importancia do “apoio da Deputación e do seu presidente” a proxectos que son “claves para os nosos veciños, en ámbitos tan estratéxicos como é o abastecemento e o saneamento, ademais da colaboración co sector primario”.

Relacionadas

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

Luis López anima ao alumnado da provincia a levar á practica as tarefas do...

0
O presidente provincial, acompañado polo deputado Javier Tourís, compartiu esta mañá de luns co alumnado do CEIP As Covas, de Meaño, aos que lle...

As Festas de Ourense requirirán realizar cortes de tráfico na rúa do Progreso (Alameda),...

0
A Policía Local do Concello de Ourense informa do dispositivo de tráfico para a celebración, desde pasado mañá, mércores, 19 até o domingo, 23...

Luis López informa ao alcalde de Crecente dun apoio superior aos 800.000 euros a...

0
O presidente provincial mantivo unha reunión co rexedor Julio César García-Luengo na lle avanzou que o compromiso da Deputación para a construción dunha senda...

A Deputación mobiliza preto de medio millón de euros á cooperación con municipios e...

0
A Xunta de Goberno vén de concederlle achegas para gastos de funcionamento ás mancomunidades de Carballiño, Boborás e Leiro; a da Comarca de Verín...

Luis López subliña a colaboración da Deputación coa Asociación Española contra o Cancro para...

0
O presidente provincial, acompañado polo vicepresidente Rafa Domínguez, visita a sede da AECC en Pontevedra para asinar un convenio de colaboración que fomenta a...

Publicacións Relacionadas