O presidente provincial, Luis Menor, acompañado polo alcalde, José Luis Suárez e tamén participaron o deputado provincial de Medio Ambiente e Enerxía, José María Lago, e o alcalde de Laza, José Ramón Barreal, supervisou esta tarde os traballos que se están a realizar en A Pousa, que van facilitar o desprazamento da veciñanza por unha vía de elevada intensidade de tráfico
José Luis Suárez destacou o esforzo da Deputación para garantir a seguridade en tres dos catro pobos que atravesa a OU-1021: Estevesiños, Vences e A Pousa, quedando para unha nova fase a localidade de Mixós. Catro pobos polos que discorre a Vía da Prata.
O proxecto supón a construción dunha senda peonil na marxe dereita que facilitará o desprazamento de persoas dun xeito cómodo, seguro e accesible, mesmo con pavimento especial para persoas con discapacidade visual
Monterrei, 14 de setembro de 2023.- A Deputación de Ourense vén de investir 200.000 euros nun proxecto de mellora da seguridade viaria na estrada provincial OU-1021, no concello de Monterrei, para facilitar a movilidade das persoas e mediante un senda peonil na travesía de A Pousa, proxecto que terá a súa continuidade ao paso da estrada pola poboación de Mixós.
O presidente da Deputación de Ourense, Luis Menor, supervisou esta tarde os traballos que se están a realizar en A Pousa, que van garantir unha maior seguridade á veciñanza “nunha vía de elevada intensidade de tráfico pois é utilizada polos habitantes da zona como variante para evitar o paso polo centro de Verín”, sinalou o presidente, que estivo acompañado na visita polo alcalde de Monterrei, José Luis Suárez, e pola directora da área de Infraestruturas, Marta Docampo.
Luis Menor valorou o esforzo orzamentario que este tipo de proxectos supoñen para a Deputación, en tanto “temos que atender ao mantemento, arranxo e acondicionamento de máis de 1.848 quilómetros de vías provinciais”.
José Luis Suárez referendou este esforzo, destacando que o compromiso da Deputación con Monterrei xa permitiu mellorar a seguridade en tres dos catro pobos que atravesa a OU-1021: Estevesiños, Vences e A Pousa, quedando para unha nova fase a localidade de Mixós. Unhas obras moi esperadas pola veciñanza, dixo o alcalde, “pero tamén importante pois por estes catro pobos discorre o tramo Castelo de Monterrei-Laza da Vía da Prata”.
Proxecto ao 80 % da súa execución
Incluído no Plan da rede viaria provincial de 2022 e cun investimento de 200.000 euros por parte da Deputación, os traballos de mellora da seguridade viaria en A Pousa están case ao 80 % da súa execución, logo de catro meses de obras que se prevén rematen no presente mes.
O proxecto supón a construción dunha senda peonil na marxe dereita que facilitará o desprazamento de persoas dun xeito cómodo, seguro e accesible, mesmo con pavimento especial para persoas con discapacidade visual e para unha mellor orientación, na estrada OU-1021, que comunica Verín con Arcucelos.
