Nun encontro de traballo no Pazo Provincial, Manuel Baltar trasladou ao alcalde en funcións, Juan Carlos González, o compromiso da Deputación para realizar obras de acondicionamento na vía que comunica Deva con Padrenda (OU-213) e nun treito da OU-210 en Xinzo de Deva
González agradeceu “o esforzo do goberno provincial no mantemento destas estradas, que para nós son obras prioritarias”. Explicou a Manuel Baltar outros proxectos nos que contan co apoio da Deputación, como a construción cun centro de conciliación, integración e innovación no parque industrial de Trado
O representante municipal de Pontedeva puxo en valor a axuda da Deputación, tamén reflectida na modificación de créditos aprobada en febreiro para cofinanciar a renovación da rede municipal de abastecemento en colaboración coa Xunta de Galicia
O presidente da Deputación de Ourense, Manuel Baltar, e o alcalde en funcións de Pontedeva, Juan Carlos González, mantiveron no Pazo Provincial un encontro no que analizaron as liñas de colaboración abertas entre ambas administracións para a execución de proxectos relacionados con infraestruturas, comunicacións e servizos.
Manuel Baltar trasladou a Juan Carlos González o esforzo que está a facer a Deputación para a mellora da rede de estradas provinciais, un labor que desta volta tradúcese no compromiso para a realización de obras de arranxo, ampliación da calzada e construción de beirarrúas na vía que comunica Deva con Padrenda (OU-213). Tamén se referiu Manuel Baltar ao acondicionamento dun treito da estrada OU-210, na localidade de Xinzo de Deva.
González agradeceu “o esforzo do goberno provincial no mantemento destas estradas, que para nós son obras prioritarias”. Explicou a Manuel Baltar outros proxectos nos que están a traballar desde o Concello e nos que contan co apoio da Deputación, como a humanización do acceso da aldea de Deva a Pontenova, así como tamén a construción cun centro de conciliación, integración e innovación no parque industrial de Trado, aproveitando varias edificacións de pequeno tamaño que serán destinadas a centro de día, ximnasio, hostalería ou almacén municipal.
O representante municipal de Pontedeva tamén puxo en valor a axuda do goberno provincial, reflectida na modificación de créditos aprobada o pasado mes de febreiro para cofinanciar obras en colaboración coa axuda da Xunta de Galicia, fundamentalmente para a renovación da rede de abastecemento do municipio.
