test
Home Deputacións Deputación Ourense A igrexa de Santa Rita do Barco de Valdeorras acolle o Concerto...

A igrexa de Santa Rita do Barco de Valdeorras acolle o Concerto de Nadal da Real Banda de Gaitas da Deputación

- Anuncio -

O vicepresidente terceiro, Plácido Álvarez; o bispo da Diócese de Ourense, Leonardo Lemos; e o director da Escola Provincial de Gaitas, Xosé Lois Foxo, presentaron o concerto deste ano, que terá lugar o 27 de decembro a partir das 18.30 horas 

Este evento tradicional, organizado pola Deputación en colaboración cos bispados de Astorga e Ourense, é un clásico do Nadal da provincia desde 1985 

O vindeiro 27 de decembro, ás 18:30 h, terá lugar o tradicional Concerto de Nadal da Real Banda de Gaitas da Deputación de Ourense na igrexa de Santa Rita do Barco de Valdeorras. Este evento foi presentado por parte do vicepresidente terceiro da Deputación, Plácido Álvarez; polo bispo da Diócese de Ourense, Leonardo Lemos; e polo director da Escola Provincial de Gaitas, Xosé Lois Foxo. A Deputación de Ourense, en colaboración cos obispados de Astorga e Ourense, organiza este concerto desde o ano 1985, coincidindo coa posta en marcha da Escola Provincial de Gaitas, coa filosofía de levar as músicas do Nadal a distintas localidades da provincia de Ourense. 

Plácido Álvarez destacou que “un dos valores deste concerto de Nadal é que cada ano celébrase nun punto diferente da provincia de Ourense, algo que nos concellos pequenos celebramos moito. Non obstante hai unha excepción, xa que cada catro anos a cita ten por escenario a catedral de Ourense, e por iso no ano 2026 volverá este concerto ao templo ourensán e será todo un acontecemento emocional e cultural, pois poucos lugares teñen a maxia especial da nosa Catedral”. 

Neste senso, o bispo da Diócese de Ourense, Leonardo Lemos, destacou que “a Real Banda e un dos buques insignia de toda a provincia e do que é a verdadeira ourensanía, pois desde a súa simbiose perfecta coa delegación episcopal para a vida consagrada, conforma a expresión artística do latexo do noso sentimento máis profundo”. Por último, agradeceu á Deputación “por esta realidade cultural tan fermosa que temos na provincia grazas ao seu mecenazgo”.  

No que atinxe á programación do concerto, Xosé Lois Foxo explicou que, como en cada edición, homenaxéase a unha persoa que se distingue na preservación dos cánticos de tradición oral. Nesta ocasión, a persoa honrada será Aurora Lolo Rodríguez de Arnado de Oencia (León). Coa participación de Lucía Pérez e Xabier Vizcaíno así como recoñecidas cantareiras da contorna como Jacinta Fernández Alonso de Lentellais, Isabel González Correira de Arcos de Vilamartín, a violinista Tatiana Kostomarova, así como as Cantoras de Trives, preténdese mostrar toda a tradición musical do tempo de Nadal. 

A Real Banda de Gaitas iniciará a súa actuación coa Marcha Procesional dos Caladiños, pasando por unha suite de música céltica, seis movementos da Égloga Operística Pastora da Serra Sola así como a interpretación escenificada da Historia do Gaiteiriño da Edrada no seu camiño a Belén, incluíndo Ave María de Schubert. Foxo destacou tamén a colaboración do Orfeón Valdeorrés interpretando conxuntamente coa Real a Alborada de Veiga e Himno Galego. O concerto rematará co interpretación do Himno de Ourense. 

Relacionadas

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

Luis López anima ao alumnado da provincia a levar á practica as tarefas do...

0
O presidente provincial, acompañado polo deputado Javier Tourís, compartiu esta mañá de luns co alumnado do CEIP As Covas, de Meaño, aos que lle...

As Festas de Ourense requirirán realizar cortes de tráfico na rúa do Progreso (Alameda),...

0
A Policía Local do Concello de Ourense informa do dispositivo de tráfico para a celebración, desde pasado mañá, mércores, 19 até o domingo, 23...

Luis López informa ao alcalde de Crecente dun apoio superior aos 800.000 euros a...

0
O presidente provincial mantivo unha reunión co rexedor Julio César García-Luengo na lle avanzou que o compromiso da Deputación para a construción dunha senda...

A Deputación mobiliza preto de medio millón de euros á cooperación con municipios e...

0
A Xunta de Goberno vén de concederlle achegas para gastos de funcionamento ás mancomunidades de Carballiño, Boborás e Leiro; a da Comarca de Verín...

Luis López subliña a colaboración da Deputación coa Asociación Española contra o Cancro para...

0
O presidente provincial, acompañado polo vicepresidente Rafa Domínguez, visita a sede da AECC en Pontevedra para asinar un convenio de colaboración que fomenta a...

Publicacións Relacionadas