As obras iniciaranse á noitiña do martes e desenvolveranse en horario nocturno até o xoves
Os autobuses urbanos poderán seguir utilizando esta céntrica vía, pero os usuarios de vehículos particulares deberán empregar percorridos alternativos, debidamente sinalizados
Hoxe luns rematarán os traballos de mellora no tramo de baixada da rúa Xesús Pousa, restablecéndose a normalidade do tráfico; á noitiña, comezarán as obras na rúa dos Arrieiros
Os traballos de mellora do firme na rúa de Xoán XXIII, que comezarán este martes á noitiña, obrigarán a reordenar o tráfico rodado no centro da cidade de Ourense durante os vindeiros tres días.
Nos tramos afectados permitirase unicamente o paso de persoas residentes e de autobuses urbanos:
Rúa Progreso en dirección centro cidade desde o Xardín do Posío: os vehículos deberán desviarse pola rúa Tras Alameda.
Rúa Progreso en dirección centro cidade desde o pavillón dos Remedios: os vehículos deberán desviarse pola rúa Ervedelo
Avenida da Habana en sentido baixada: non se poderá xirar á esquerda, rodeando a Torre, e a circulación deberá seguir pola Avenida da Habana.
Rúa Concello: non se permitirá xirar á dereita para acceder a Xoán XXIII, debendo o tráfico seguir cara ao parque de San Lázaro.
Rúas peonís con acceso a Progreso -Cruz Vermella, Alejandro Outeiriño…-, sempre dirección obrigatoria cara á esquerda
Os traballos executaranse a partir das 20:30 horas até as 5 ou 6 h da madrugada, polo que desde o Concello prégase paciencia polas molestias.
Rúas Xesús Pousa e dos Arrieiros
Por outra banda, na noite de hoxe, luns, rematarán os traballos de mellora no tramo de baixada de Xesús Pousa, no barrio da Ponte, restablecéndose a normalidade do tráfico. Ademais, comezará unha actuación de mellora na rúa dos Arrieiros, polo que será necesario pechar a rúa ao tráfico na intersección desta rúa con Serra Martiñá.