Home Ourense Allariz-Maceda A Xunta abrirá un novo polo de emprendemento en Baños de Molgas...

A Xunta abrirá un novo polo de emprendemento en Baños de Molgas para xerar emprego e dinamizar a economía local

- Anuncio -

― A conselleira de Promoción do Emprego e Igualdade, Elena Rivo anunciou nun encontro con empresarios da comarca a posta en marcha deste centro que acompañará ás persoas con iniciativa no desenvolvemento dos seus negocios

― Galicia está a tecer unha rede de polos de emprendemento que xa asesorou máis de 500 proxectos e está a consolidarse como dinamizadora da actividade no rural

A conselleira de Promoción do Emprego e Igualdade, Elena Rivo, acompañada do delegado territorial da Xunta en Ourense, Gabriel Alén, anunciou hoxe a creación dun novo Polo de emprendemento e apoio ao emprego en Baños de Molgas, que permitirá dinamizar a economía local e incrementar as oportunidades laborais na contorna. A titular de emprego participou nun encontro con empresarios desta zona, no que puxo en valor o seu potencial para a creación de emprego rural, próximo e de calidade.

Rivo remarcou o potencial de sectores como o turismo termal, o primario e forestal en Baños de Molgas, terra rica en oportunidades, na que o novo polo de emprendemento suporá un “pulo importante”, afirmou.

Galicia está a tecer unha Rede de polos de emprendemento para dar cobertura ao 100% do territorio, unha experiencia que iniciou o seu percorrido hai algo máis dun ano e que está a cumprir co seu triplo obxectivo: casar a xestión da busca de emprego coa realidade demográfica e social da Comunidade; dinamizar o mercado de traballo, buscando a interacción entre os ámbitos rurais e urbanos; e fixar poboación no territorio. O de Baños de Molgas ampliará a rede de polos da provincia ourensá, tras a posta en marcha de dous no Carballiño e en Verín e a próxima inauguración dun terceiro no Barco de Valdeorras.

Os polos ofrecen acompañamento continuado para as persoas emprendedoras en cada unha das fases polas que pasan os seus proxectos. O obxectivo é convertelos en centros de dinamización dos territorios nos que se asentan, sendo foros de interlocución que permitan recoller as demandas da súa poboación e dar resposta desde a Administración coa colaboración do sector privado.

Ata a actualidade, a rede de polos xa realizou 1.500 titorías para sacar adiante as iniciativas duns 500 emprendedores, entre as que destacan as relacionadas co comercio, a hostalaría, a agricultura, a gandaría e a pesca.

A Xunta seguirá a fomentar este modelo como forza impulsora da economía e da sociedade, que xera oportunidades e emprego de calidade.

Relacionadas

A Xunta destaca a importancia do deporte para cara a plena inclusión das persoas...

0
A directora xeral Begoña Abeijón participou hoxe na inauguración dos XXIV Xogos Autonómicos de Atletismo de Special Olympics Galicia A directora xeral de Persoas con...

A Xunta organiza unha xornda técnica sobre o benestar laboral no marco unha empresa...

0
― O Instituto de Seguridade e Saúde Laboral de Galicia (Issga) celebrou esta semana esta xornada que dá comezo aos actos organizados co gallo...

Diego Calvo, acompañado do director xeral de Xustiza, José Tronchoni, asistiu na sede do...

0
O conselleiro de Presidencia, Xustiza e Deportes, Diego Calvo, acompañado do director xeral de Xustiza, José Tronchoni, asistiu esta mañá na sede do Tribunal...

A Xunta investirá máis de 7,5 millóns de euros na retirada dos residuos da...

0
— Ángeles Vázquez explicou que as actuacións previas comezarán a próxima semana e que as obras de escavación e extracción do material para o...

Román Rodríguez anuncia que o alumnado do Instituto IES Valle-Inclán poderá estrear as primeiras...

0
— Salienta a envergadura da obra neste edificio histórico que cualifica como “unha das catedrais educativas que temos en Galicia” cun investimento de 4,7M€ —...

José López destaca a “implicación e iniciativa” dos correspondentes xuvenís e avanza novas accións...

0
— O Conselleiro de Cultura, Lingua e Xuventude visita os mozos e mozas deste programa autonómico de transmisión da información xuvenil, que esta fin...

Publicacións Relacionadas