test
Home Ourense Allariz-Maceda A Xunta colabora na mellora da accesibilidade da Casa do Concello de...

A Xunta colabora na mellora da accesibilidade da Casa do Concello de Paderne de Allariz

- Anuncio -

— A directora xeral de Administración Local, Natalia Prieto, acompañada do delegado territorial da Xunta en Ourense, Gabriel Alén, visitou as dependencias municipais tras a instalación dun ascensor para comunicar as tres plantas do edificio

— O Goberno galego destinou máis de 28.300 euros a esta actuación financiada ao abeiro da Orde de Infraestruturas de uso público a través da que a Xunta colabora coas entidades locais na creación ou mellora de instalacións destinadas á prestación de servizos municipais

— O ano pasado leváronse a cabo 125 proxectos dos concellos galegos no marco desta liña de axudas, que na convocatoria deste ano conta cun orzamento de 3,5M€

A directora xeral de Administración Local, Natalia Prieto, acompañada do delegado territorial da Xunta en Ourense, Gabriel Alén, visitou as obras levadas a cabo na Casa do Concello de Paderne de Allariz para mellorar a súa accesibilidade coa instalación dun ascensor que comunica as súas tres plantas.

A Xunta colaborou nesta actuación con máis de 28.300 euros ao abeiro da Orde de Infraestruturas de uso público. Coa nova plataforma vertical contribúese á prestación dun servizo de calidade aos usuarios das instalacións garantindo a accesibilidade ás persoas con mobilidade reducida ao suprimir as barreiras arquitectónicas.

O ascensor está situado na entrada e accede a todas as plantas. Antes da súa instalación, só era posible acceder a través de dous tramos de escaleiras á primeira planta, onde se sitúan os servizos de administración, alcaldía, secretaría e salón de plenos.

O Goberno galego apoia coa Orde de infraestruturas de uso público ás entidades locais galegas na creación ou mellora das súas instalacións destinadas á prestación de servizos municipais como parques infantís, dependencias municipais ou recintos deportivos, así como na renovación do alumeado público ou na pavimentación de camiños.

Esta mellora na Casa do Concello de Paderne de Allariz forma parte das 125 iniciativas financiadas o ano pasado na comunidade no marco desta orde de axudas, á que a Xunta destinou neste 2022 un orzamento de 3,5 millóns de euros.

O investimento total destinado a este municipio anos por parte da Administración autonómica ascende a máis de 232.400 euros para melloras ambientais e de infraestruturas. Así, xunto cos traballos relacionados coa accesibilidade na Casa do Concello levadas a cabo o ano pasado, a Orde de Infraestruturas de uso público permitiu nos últimos anos tamén renovar a cuberta neste edificio, dotar de equipamento ao pavillón polideportivo municipal de Rioseco, adecuar varios paseos e renovar o alumeado público dos núcleos de Golpellás, Ousende, A Costa, O Moredo e A Pousada.

En canto ás iniciativas encamiñadas á conservación do medio ambiente e do espazo natural co obxectivo de fomentar o desenvolvemento sostible do concello grazas ao Fondo de Compensación Ambiental (FCA), destacan en Paderne de Allariz actuacións de mellora da eficiencia enerxética no alumeado público ou as obras na rede de saneamento da escola infantil autonómica da Mancomunidade da Comarca de Ourense situada neste concello.

Relacionadas

A Xunta e o Clúster Galego de Solucións Ambientais estudan fórmulas de colaboración para...

0
Avalían diferentes iniciativas dirixidas a dar a coñecer as novidades tecnolóxicas no ámbito das solucións ambientais, así como as últimas innovacións no eido da...

A Xunta aborda coas federacións de transportes de viaxeiros por estrada os retos en...

0
― O conselleiro de Presidencia, Xustiza e Deportes, Diego Calvo, reunise xunto á directora xeral de Mobilidade, Judit Fontela, a representantes de Anetra-Galicia, Fegabus,...

A Xunta apoia a celebración do Noia Harp Fest para seguir diversificando a oferta...

0
O director de Turismo de Galicia presenta esta cita única no mundo especializada na arpa que reunirá artistas de Alemaña, Escocia, Francia, Senegal e...

A Xunta recoñece o traballo decentros de Abegondo, Santiego, Poio e Vigo en prol...

0
— A directora xeral de Ordenación e Innovación Educativa, Judith Fernández entrega o recoñecemento ao Colexio CEIP Plurilingüe Seis do Nadal, de Vigo — Tamén...

Anxo M. Lorenzo gaba a capacidade do alumnado de primaria e ESO para achegarse...

0
O director xeral de Cultura participou na entrega dos premios do IX Concurso de Debuxo Picasso, organizado pola Asociación da Prensa da Coruña co...

As Festas de Ourense requirirán realizar cortes de tráfico na rúa do Progreso (Alameda),...

0
A Policía Local do Concello de Ourense informa do dispositivo de tráfico para a celebración, desde pasado mañá, mércores, 19 até o domingo, 23...

Publicacións Relacionadas