Home Ourense Baixa Limia A Xunta colabora na mellora enerxética da Casa do Concello e das...

A Xunta colabora na mellora enerxética da Casa do Concello e das instalacións de uso recreativo e deportivo de Lobeira

- Anuncio -

― A directora xeral de Administración Local, Natalia Prieto, visitou hoxe a localidade para comprobar as actuacións levadas a cabo ao abeiro do Fondo de Compensación Ambiental e da Orde de infraestruturas do Goberno galego

― Destinouse unha achega de 30.000 euros que permitiu reforzar o illamento térmico do consistorio, e outra de 35.000 para construír o primeiro parque infantil do concello e acondicionar a pista polideportiva

A directora xeral de Administración Local, Natalia Prieto, visitou hoxe xunto co delegado da Xunta en Ourense, Gabriel Alén, o concello de Lobeira para coñecer as actuacións desenvolvidas nesta localidade ao abeiro do Fondo de Compensación Ambiental e da Orde de infraestruturas de uso público da Xunta. As obras realizadas supuxeron unha achega de 30.000 euros para o illamento térmico da Casa do Concello e doutra de 35.000 para a construción dun parque infantil e o acondicionamento de instalacións deportivas.

Así, no marco do Fondo de Compensación Ambiental da Xunta, realizáronse obras de mellora da eficiencia enerxética da envolvente da Casa do Concello. As actuacións centráronse na substitución da carpintería exterior por outra con rotura de ponte térmica e acristalamento máis eficiente. Tamén se instalou un revestimento interior do perímetro do edificio en todas as fachadas e en toda a altura, con paneis autoportantes a base dunha placa de xeso laminado con illamento de la de roca.

Na súa visita, a directora xeral salientou a importancia de apostar pola eficiencia enerxética dos edificios públicos, a prol da redución de custes e da sustentabilidade. Natalia Prieto referiuse tamén a outras iniciativas realizadas en Lobeira co apoio da Xunta ao abeiro do Fondo de Compensación Ambiental, como a adquisición dun vehículo pick-up para actuacións de protección do medio natural ou a contratación de brigadas ambientais en diferentes exercicios. Con elas, o total de axudas concedidas a este concello pola Dirección Xeral de Administración Local destinadas a actuacións medioambientais e financiadas polo Fondo de Compensación Ambiental ascendeu, nos últimos anos, a máis de 80.000 euros.
A directora xeral incidiu no compromiso da Xunta coas administracións locais concellos para a conservación da biodiversidade e a protección do medio natural. Así, neste ano, o Goberno galego investirá 11,3M€ ao Fondo de Compensación Ambiental como “ferramenta fundamental pata contribuír ao desenvolvemento e recuperación sostible dos municipios da Comunidade”, apuntou.

Primeiro parque infantil do Concello
Por outra banda, ao abeiro da Orde de infraestruturas de uso público o apoio da Xunta favoreceu a construción do primeiro parque infantil de Lobeira, co que se lle dá resposta a unha reiterada demanda da veciñanza. Nesta mesma liña de acción, melloráronse as condicións da única pista polideportiva do concello, situada ao aire libre e que requiría dun peche e dun pequeno galpón para gardar o equipamento.

A Orde de infraestruturas de uso público destínase a concellos de menos de 30.000 habitantes para mellorar as infraestruturas, dotacións, instalacións e equipamentos vinculados á prestación de servizos municipais. Segundo sinalou a directora xeral, a Xunta apoiou en Lobeira distintas accións nesta liña desde 2017, que supuxeron un investimento de case 103.000 euros e que, ademais das obras visitadas hoxe, incluíron melloras da iluminación pública.

Neste ano, o orzamento previsto para as actuacións ascende a 3,5 millóns de euros. O obxectivo é garantir un equilibrio entre o medio rural e o urbano, o interior e a costa, que permita tanto o desenvolvemento económico da totalidade do territorio galego como unhas óptimas condicións de vida da cidadanía con independencia do lugar de residencia.

Relacionadas

Trescentos deportistas participarán o domingo no Descenso do Miño, organizado polo Club Piragüismo Ourense...

0
Trescentos deportistas participarán o vindeiro domingo, 16 de xuño, na edición número 55 do Descenso do Miño, que converterá un ano máis a cidade...

A Xunta informa nunha xornada técnica sobre a nova normativa europea de máquinas que...

0
A xerente do Instituto de Seguridade e Saúde Laboral de Galicia (Issga), Adela Quinzá-Torroja, participou hoxe na apertura dunha xornada técnica en formato webinar...

Luis Menor presenta a súa candidatura á presidencia do Partido Popular de Ourense para...

0
· O candidato afirma que chegou o momento de seguir dando “novos pasos, en firme, con decisión, pero sen perder nunca a humildade”, e...

A Xunta de Local aprobou 20 acordos na súa sesión ordinaria desta semana

0
A Xunta de Goberno Local do Concello de Ourense aprobou 20 acordos na súa sesión ordinaria desta semana, que tivo lugar esta mañá no...

O convenio de Xantar na Casa e o expediente de contratación das luces de...

0
A Comisión de Pleno do Concello de Ourense ditaminou favorablemente, en sesión extraordinaria celebrada esta mañá, dous expedientes que o goberno municipal presentará a...

Ángeles Vázquez salienta que as 140 bandeiras de 2024 consolidan Galicia como exemplo do...

0
— Incide en que estes recoñecementos poñen en valor a costa, o patrimonio natural e a imaxe turística da Comunidade como destino sustentable e...

Publicacións Relacionadas