O contrato terá un prazo de 10 anos, cun canon de partida anual de 71.800 euros, que supón un amplo incremento sobre o canon anterior, que era de 9.600 euros anuais
A Xunta de Goberno Local do Concello de Ourense aprobou esta mañá nunha sesión extraordinaria e urxente o expediente para licitar o outorgamento da concesión demanial para a explotación das instalacións destinadas a cafetería sitas no Parque da Alameda. No acordo aprobáronse tamén os pregos de condicións económicas, administrativas e técnicas para a adxudicación da concesión, mediante procedemento aberto.
O contrato terá un prazo inicial de 10 anos e o canon de partida anual será de 71.842,08 euros, IVE engadido, que supón un amplo incremento sobre o canon anterior, que era de 9.600 anuais.
