A Xunta de Goberno Local do Concello de Ourense aprobou 16 acordos na súa sesión ordinaria desta semana, que se desenvolveu no mediodía de hoxe no salón de plenos.
Artes e festexos (1). Aprobou as bases e a convocatoria do procedemento para outorgar, en réxime de concorrencia, a autorización para a ocupación temporal de dominio público municipal para a instalación e explotación dunha barra de bar durante a celebración do Halloween en Ourense.
Asuntos sociais (1). Aprobou a modificación do Plan Estratéxico de Subvencións da Concellería de Asuntos Sociais para o período 2025-2027.
Aperturas (1). Concedeu a licenza urbanística de obra para o proxecto de demolición parcial dun inmoble na Avenida de Zamora.
Patrimonio (4). Inadmitiu catro reclamacións de responsabilidade patrimonial por non concorrer os requisitos legais que dan dereito a unha indemnización.
Avogacía consistorial (9). Deu conta de 2 autos do Tribunal Superior de Xustiza de Galicia, 1 sentenza do Xulgado do Contencioso-Administrativo número 1 de Ourense e outra do número 2. A xunta local tamén foi informada de que o Concello foi emprazado para comparecer en 5 procedementos, diante dos xulgados do contencioso administrativo número 1 e 2 e do de instancia número 3 de Ourense.
