test
Home Ourense O Pereiro de Aguiar A Xunta destaca a aposta de Mecanizados Rodríguez Fernández pola innovación e...

A Xunta destaca a aposta de Mecanizados Rodríguez Fernández pola innovación e o deseño estratéxico para mellorar a súa competitividade

- Anuncio -
  • A directora da Axencia Galega de Innovación, Patricia Argerey, visitou esta mañá a peme ourensá, que está a deseñar novos produtos e mellorar procesos co apoio dos programas DeseñaPeme e InnovaPeme da Xunta de Galicia
  • A convocatoria de 2024 destas dúas liñas de axuda está aberta ata o vindeiro 13 de marzo
  • Nas edicións anteriores das convocatorias de DeseñaPeme e InnovaPeme apoiáronse 310 pemes, cunha mobilización de 44,5M€ de investimento en innovación, dos que a Xunta achegou 22,25M€

A directora da Axencia Galega de Innovación (Gain), Patricia Argerey, destacou hoxe a aposta que a empresa ourensá Mecanizados Rodríguez Fernández (MRF), co apoio da Xunta, está a facer pola innovación e o deseño estratéxico para mellorar a súa competitividade.

A empresa, dedicada ao deseño e fabricación de accesorios en aceiro e solucións para a carrocería industrial no sector da automoción e outros sectores industriais, está a desenvolver un plan de innovación co apoio do programa InnovaPeme 2023 da Xunta de Galicia. O obxectivo é incrementar a súa produtividade incorporando sistemas de robotización e automatización.

Ademais, en convocatorias anteriores deste programa, tamén obtivo apoio para implementar outro plan de innovación para mellorar a xestión intelixente das operacións e a creación dun departamento de I+D+i. Por outra banda, no eido do deseño, redefiniu a súa identidade corporativa e lanzou novos produtos como un sistema electrónico para pechaduras, logo de participar en pasadas edicións do programa DeseñaPeme da Axencia Galega de Innovación.

A directora de Gain subliñou a aposta pola innovación da empresa ourensá, que participou en múltiples programas de apoio á I+D e á innovación da Xunta nos últimos anos e que resultou finalista dos Premios Galicia de Innovación e Deseño 2023. Destacou tamén a importancia de incorporar o deseño á estratexia empresarial, porque permite contemplar as necesidades dos clientes desde a propia conceptualización do produto e servizo, e destacou o exemplo de Mecanizados Rodríguez como peme do sector industrial que aposta polo deseño como elemento diferencial.

Argerey aproveitou para lembrar que a convocatoria deste ano do programa DeseñaPeme e InnovaPeme, dotada con 4,5M€, está aberta ata o vindeiro 13 de marzo. DeseñaPeme apoia accións para conceptualizar e deseñar novos produtos, servizos e experiencias, así como mellorar a marca e identidade corporativa co obxectivo de promover a cultura da innovación nas pemes galegas e, deste xeito, aumentar a súa competitividade. Pola súa banda, InnovaPeme céntrase en apoiar a innovación en procesos e organización.

Desde 2017 entre ambas as dúas convocatorias, DeseñaPeme e InnovaPeme, téñense beneficiado 310 pemes, mobilizando 44,5 M€ de investimento en innovación, dos que a Xunta financiou un 50% -22,25 M€-.

Relacionadas

A Xunta e o Clúster Galego de Solucións Ambientais estudan fórmulas de colaboración para...

0
Avalían diferentes iniciativas dirixidas a dar a coñecer as novidades tecnolóxicas no ámbito das solucións ambientais, así como as últimas innovacións no eido da...

A Xunta aborda coas federacións de transportes de viaxeiros por estrada os retos en...

0
― O conselleiro de Presidencia, Xustiza e Deportes, Diego Calvo, reunise xunto á directora xeral de Mobilidade, Judit Fontela, a representantes de Anetra-Galicia, Fegabus,...

A Xunta apoia a celebración do Noia Harp Fest para seguir diversificando a oferta...

0
O director de Turismo de Galicia presenta esta cita única no mundo especializada na arpa que reunirá artistas de Alemaña, Escocia, Francia, Senegal e...

A Xunta recoñece o traballo decentros de Abegondo, Santiego, Poio e Vigo en prol...

0
— A directora xeral de Ordenación e Innovación Educativa, Judith Fernández entrega o recoñecemento ao Colexio CEIP Plurilingüe Seis do Nadal, de Vigo — Tamén...

Anxo M. Lorenzo gaba a capacidade do alumnado de primaria e ESO para achegarse...

0
O director xeral de Cultura participou na entrega dos premios do IX Concurso de Debuxo Picasso, organizado pola Asociación da Prensa da Coruña co...

As Festas de Ourense requirirán realizar cortes de tráfico na rúa do Progreso (Alameda),...

0
A Policía Local do Concello de Ourense informa do dispositivo de tráfico para a celebración, desde pasado mañá, mércores, 19 até o domingo, 23...

Publicacións Relacionadas