Programación de Nadal este xoves 22 de decembro as 19h. actuación de Sarabela Teatro co espectáculo “Asemblea Xeral”.
Sinopse:
Os nenos e nenas protagonistas desta peza buscan un baúl que anos atrás agocharon os seus pais. Nel atoparán un auténtico tesouro: o libreto “Asemblea Xeral” escrito por Lauro Olmo e Pilar Enciso. Xunto ao texto teatral, todo o necesario para a súa representación , aínda que algunhas páxinas están danadas polas formigas. Esas pequenas criaturas, que están por todas partes, aínda que poucos reparen en elas.
Un enfermidade de causas descoñecidas espállase polo mundo e os animais da selva buscan un culpable para calmar a cólera celestial… Convencidos de que o sacrificio dun deles restablecerá o equilibrio e devolverá a saúde a todos, planean un xuízo no que cada animal confesará as súas culpas. Pero como confiar impartida só por poderosos pensa a Gata?
De verdade que a solución a calquera conflicto pasa por establecer unha fronteira entre bos e malos? Débiles e podeoros?
A peza escrita por Lauro Olmo e Pilar Enciso advirte a nenos e maiores sobre os perigos dos abusos do poder, cuestiona os mecanismos da xustiza e pon o acento na necesidade de educar para a paz, nos valores democráticos como garantía para unha convivencía feliz e respectuosa entre iguais. Nesta versión actualizada, achegamos o espírito desta obra aos máis nenos, colocándoos no centro da peza e ateigando cada liña, cada escena, de xogos, de música, de brincadeiras… para garantir a reflexión e a diversión a partes iguais.
Temas: A educación para a paz. O acoso. O pensamento crítico e os valores democráticos.
Vai dirixida a un público familiar a partir de 4 anos en diante. Entrada con invitación (recóllese na Casa da Cultura)
