O xoves 28 de xullo ás 21h haberá un novo espectáculo, organizado pola concellaría de Cultura de Barbadás, a cargo do grupo de teatro O Cubo que presenta a obra Ghop no parque dos Patos (A Valenzá).
Ghop é un espectáculo de rúa áxil, participativo e cheo de humor. Un berro cheo de enerxía …..Ghop! un berro cheo de ímpetu para un espectáculo con estética clásica dos circos ambulantes que no pasado percorrian as prazas dos pobos e aldeas.
Os tres protagonistas vestidos e caracterizados para a ocasión, aderezan con malabares, monicreques, acrobacias e pinceladas de maxia o show de variedades que esta compañía itinerante ofrece a un público desexoso de divertirse e participar.
Teatro O Cubo sae á rúa e completa o seu repertorio teatral para toda a familia.
Teatro de rúa, circo e variedades, apto para público maior de 5 anos e cunha duración de 60 min.