Nova actuación enmarcada dentro do Programa Cultural Barbadás é Cultura, trátase da compañía Xarope Tulú que presenta o espectáculo “Rilla Rilla” no Parque dos Patos ( A Valenzá) o xoves 18 as 21h.organizado pola concellaría de Cultura de Barbadás.
Sinopse:
Benvidas ao concurso sobre a lingua onde apañamos as palabras como se fosen berberechos, onde o rotacismo forma parte da banda sonora e o seseo nos ha facer viaxar entre valumada. Se non oístes falar do cínefres, ou non sabedes o que é un día de garabullos, se nunca se posou en vos unha lagachima, andade atentas!
Abride ben os ouvidos e deixádevos lebar por esta música de salitre. Remangade ben o pantalón que para apañar palabras é preciso mollar os pés! Preparádevos para recoller esos vocábulos que case nunca medran nos libros. Se queredes sabere o que significa Rilla-Rilla poñede atención…
Rilla-Rilla é un espectáculo dirixido a tódolos públicos, que tenta pór de manifesto a variedade dialectal do noso idioma. A través do relato irémonos meregullando nun mundo de rotacismo, un lugar con idiosincrasia propia, que estivo aí sempre e ao que poucas veces lle poñemos atención. As ondas e o salite hannos levar ao lugar das palabras esquecidas.
Rilla-Rilla é un espectáculo dinámico onde o público pasa a ser o protagonista desde o primeiro momento.
É un teatro interactivo e familiar, recomendado para maiores de 6 aos e cunha duración de 50min.