O Concello de Piñor organiza un ano máis a andaina e o trail polas terras de Piñor.
O día do evento será o domingo 13 de novembro, as 10 h dará comezo o percorrido da Andaina e as 11 h iniciarase co Trail.
O lugar de celebración das probas é no Campo da Festa do Arenteiro.
O percorrido é circular, con saída e chegada ao pobo de Arenteiro, ten unha totalidade de 14 km e dificultade media.
A ruta pasa por diferentes pobos do concello, como Arenteiriño, Loeda, Vilanfesta, Piñor, Barrán e Arenteiro, destacando as pasaxes a carón de muíños e do río Arenteiro, resaltando a súa fervenza, a Fervenza do Peilán.
As inscricións poden realizarse a través da páxina de sportmaniacs.com e da APP Saudeter Live, ata o mércores 9 de novembro ás 23:59 h, aboando 5 € para a Andaina e 10 € para o Trail.
Todos os participantes recibirán agasallos e haberá avituallamentos.
Para máis información o facebook oficial do Concello de Piñor e a páxina creada para o evento: Andaina e Trail Concello de Piñor 2022
