Esta tarde tivo lugar a reunión para ratificar o documento que permitirá que o servizo volva ao seu funcionamento normal
Gonzalo Pérez Jácome manifesta a súa satisfacción ao refrendar este acordo, tras as reunións bilaterais desta mañá no Concello, nun pacto onde “ambas partes gañan”
As partes implicadas na folga de autobuses urbanos corroboraron o acordado esta mañá no Concello coa mediación do alcalde, para por fin a folga de autobuses urbanos. Esta tarde tivo lugar a reunión entre as partes, onde asinaron o documento que permitirá que o servizo volva ao seu funcionamento normal.
O alcalde, Gonzalo Pérez Jácome, manifestou a súa satisfacción tras as reunións bilaterais que mantivo esta mañá no Concello, e celebra un acordo onde “ambas partes gañan”.
Por parte do Comité de Empresa de Urbanos de Ourense, Daniel Fernández, valora a mediación do alcalde e pon en valor o acordo que “mellora substancialmente as condicións de traballo”, tras 30 meses de negociación do Convenio Colectivo.