Carlos Garrido, candidato de Podemos a alcaldía de Lobios, presentou fai varias semanas unha serie de preguntas por escrito no Congreso mediante o deputado Antón Gómez-Reino, sobre a construcción dun tramo de autovía entre entre Celanova e o municipio portugués de Ponte da Barca.
En resposta a ditas preguntas, dende o Ministerio de Transportes sinalan que a xestión da Autovía AG-31 é de competencia autonómica, polo que o papel do Goberno Central únicamente podería consistir en intermediar entre a Xunta de Galicia e as autoridades portuguesas.
Garrido declarou: “a Xunta podería comezar as obras mañán mesmo, pero falta vontade política”. Neste senso, sinalou que o Convenio de Valencia permitiría o goberno autonómico chegar a acordos con Portugal, e que xa se están a levar a cabo actuacións similares, coma a rehabilitación da ponte internacional que une Salvaterra do Miño con Monçao.
O candidato morado instou á Xunta a acabar co “partido de tenis” entre administracións, e a aproveitar o ofrecemento do Goberno do Estado de intermediar para “crear unha mesa de diálogo entre administracións que concrete unha demanda que se da a ambos lados da fronteira, e que tería un enorme efecto positivo tanto no económico como no social”.
