O cabeza de lista popular en Ribadavia nas eleccións municipais do 28 de maio destaca no podcast en Primeira Persoa do PPdG a súa paixón polo “servizo público da política”, e remarca o seu compromiso con contribuír a desenvolver todos os potenciais da súa vila
Licenciado en Filosofía e docente, César Fernández sinala que “sempre me gustou a filosofía. Teño moita curiosidade, e creo que estudar esta carreira foi unha das mellores decisións da miña vida. Entendo a filosofía coma unha cuestión de posición vital, de ter a capacidade de análise aberta a diferentes perspectivas, algo que pode ser moi útil na política”
“O piar básico da miña vida é a familia: é unha absoluta prioridade, sempre que podo estou con eles”
“Do meu concello gústame todo. Para min, Ribadavia é o concello máis fermoso de Galicia con moitísima diferencia. E este xuízo está perfectamente fundamentado: patrimonio natural, patrimonio histórico, patrimonio arquitectónico, o viño, a gastronomía… Ribadavia é un concello cunhas condicións inmellorables”
“En Ribadavia boto en falta máis dinamismo pola parte política. Os recursos, o potencial endóxeno, está aí, vén de seu nesta vila. Pero o que fai falla é un goberno capaz de aproveitar ao 100% os recursos que a día de hoxe están infrautilizados e infravalorados, e que deberían aportar moito máis á realidade de Ribadavia”
“Gústame moitísimo a música -o meu grupo favorito é Nine Inch Nails-, a literatura -con autores como George Orwell- ou o cine a través de directores como Stanley Kubrick ou David Lynch”
UN NOVO FORMATO PARA COÑECER DE PRETO AOS CANDIDATOS
O podcast en Primeira Persoa é unha idea orixinal do Partido Popular de Galicia na que diferentes candidatos das provincias galegas teñen a oportunidade de ser entrevistados nun formato directo, dinámico, e adaptado ás novas formas de comunicación que ofrece o universo transmedia
A máxima coa que se plantexan estas entrevistas é que os veciños poidan coñecer á persoa que hai detrás do político e escoitar aos seus candidatos nun ton informal e próximo, mais aló de discursos políticos e ideoloxías
