- Preto de 80 veciños e veciñas da vila gozaron dun día cheo de cultura, historia e gastronomía en Portugal grazas ao esforzo de todas as persoas que o fixeron posible.
O sábado día 18, o Concello de Melón organizou unha excursión a Portugal con motivo do 8M na que participaron preto de 80 veciños e veciñas da vila. Durante a excursión, os participantes puideron gozar dun día cheo de cultura, historia e gastronomía en Portugal, grazas ao esforzo de todas as persoas que o fixeron posible.
A excursión comezou cedo pola mañá, ás 8:00 horas, a primeira parada foi na Catedral de Tui e despois no entorno de Vilanova de Cerveira visitando tamén a súa famosa feira , onde os participantes puideron gozar dun ambiente festivo. Despois desfrutaron dun xantar nun restaurante portugués, onde degustaron algúns dos pratos máis tradicionais da súa gastronomía entre os que se atopaban o caldo verde e por suposto o Bacallau.
Posteriormente, a excursión continuou coa visita ao impresionante complexo relixioso Bom Jesus de Braga, onde os veciños e veciñas puideron desfrutar dunhas vistas impresionantes e coñecer a historia e a cultura do lugar.
O alcalde de Melón, Emilio Díaz, aproveitou a ocasión para agradecer o traballo de todas as persoas que fixeron posible a realización desta excursión, en especial aos choferes dos autobuses e as guías que atenderon os veciños e veciñas en todo momento, e destacou a importancia deste tipo de eventos para fomentar o turismo e o intercambio cultural entre ambos países.
Durante a excursión organizada polo Concello de Melón, algúns veciños expresaron persoalmente o seu agradecemento Emilio, pola iniciativa e polo éxito da mesma.
Ante o recoñecemento dos participantes, Emilio afirmou estar moi satisfeito co resultado da excursión e comprometeuse a traballar xunto aos responsables para organizar a seguinte. Tamén destacou a importancia deste tipo de eventos para fomentar o turismo e a cultura na zona e para ofrecer aos veciños e veciñas de Melón a oportunidade de coñecer lugares e tradicións diferentes, mesmo nesta sorprendeuse porque tivo un reencontro de dous amigos que había máis de cinco anos que non falaban, e coincidiron nesta excursión.
En definitiva, a excursión organizada polo Concello de Melón foi todo un éxito e contou coa aprobación e agradecemento dos participantes, quen xa agardan con entusiasmo a próxima excursión.
