- O senador ourensán critica os “innumerables incumprimentos” de Sánchez no ámbito ferroviario, as estradas, as telecomunicacións e o medio ambiente
- Lembra que alcaldes do PP e o PSOE reclamaron un estudo de viabilidade da reforma da N-541 entre O Carballiño e Pontevedra, e “o Goberno rexeitouno porque non é prioritario”
14 de maio de 2025.- - O senador do GPP por Ourense, Francisco Fernández, denuncia “o escandaloso desinterese” do Goberno e a súa “continua falta de compromiso” coas infraestruturas da provincia.
- Así o explica tras defender unha moción do seu Grupo, que foi aprobada na Comisión de Despoboamento e Reto Demográfico, a pesar do voto en contra do PSOE, defendido polo ourensán Rodríguez Villarino, onde se deu luz verde a un paquete de medidas no ámbito das infraestruturas e o medio ambiente debido aos “innumerables incumprimentos” de Pedro Sánchez “con Galicia, e en especial con Ourense”.
- Respecto ao ámbito ferroviario e sobre a variante exterior de Ourense, o alcalde de Leiro lembra que desde o Goberno contestaron ao PP que ‘temos os proxectos redactados e temos que analizar cando imos poder licitar e executar, para ver os beneficios que achega. Os recursos dispoñibles están centrados en executar os tramos que están en obras’, non ocorreu nada. “E para cando o resto?”, pregunta.
- Neste contexto, Fernández lembra que “Lugo é a única capital de provincia que non ten AVE e pretenden unir Ourense-Lugo cun tren de velocidade alta, xa que o que se proxecta non superará o 160 km/h”.
GPP SENADO
Senado de España @PPSenado prensapp@senado.es · Telf: (91) 5391213 Facebook PP Senado - A isto, o dirixente do PP engade a construción dunha estación de mercadorías no polígono de San Ciprián dás Viñas, que foi aprobada no Congreso sen ningún voto en contra. “Con todo, seguen sen facer nada. Este é o caso que lle fai o Goberno actual ao poder lexislativo, tanto ao Congreso como ao Senado”, subliña.
- Sobre a futura estación de RENFE en Ourense -que “cuxas obras practicamente non comezaron”- non comprende como o Executivo rexeite a colocación dunha marquesiña provisional para resgardo de taxistas e usuarios do tren. “Non esquezan que en Ourense hai temperaturas que oscilan entre 0 graos no inverno e máis de 40 no verán, á parte da choiva”, avisa.
O GOBERNO ABANDONA As ESTRADAS OURENSÁS - En segundo lugar, Francisco Fernández acusa o Executivo do “lamentable” estado das estradas na provincia e a súa “falta” de compromiso. Pon como exemplo a A-56, e as proxeccións orzamentarias de 5,15 e 12,3 millóns prometidas pola exministra Raquel Sánchez, que “nin tan sequera se executaron… quedaron niso, en proxeccións”.
- Tamén fai referencia á “falta de mantemento” da N-120 entre Ourense e Lugo, que “carece dos niveis de calidade e seguridade esixibles”, á vez que denuncia que as obras de reparación do firme “atrásanse en exceso e cando algo se executa non ten a envergadura suficiente, segue habendo moitos quilómetros en moi mal estado, como o acreditan as constantes queixas de usuarios”.
- “Perdoen o que vou dicir, como dicimos en galego: é unha ‘corredoira’ que fabrica de coches para o despezamento”, ironiza sobre a preocupante situación da principal vía de comunicación para ourensáns e lucenses.
- A continuación, o senador do PP pon o foco a sede da confederación hidrográfica, que “levan anos prometéndoa, igual que o saneamento do río Barbaña ou a ampliación da planta de tratamentos residuais de San Cibrao das Viñas”.
- Fernández tamén se refire á “deplorable” situación das telecomunicacións, que volve demostrar a “falta de interese para evitar o despoboamento do rural”, xa que, segundo a prensa, máis de 2.000 fogares en Ourense están excluídos polas operadoras da internet.
LEIRO, EXEMPLO NA LOITA CONTRA O DESPOBOAMENTO
- Por todo iso, Francisco Fernández, pon como exemplo de loita contra o despoboamento a medida aprobada este mércores no concello de Leiro, onde se aprobou as bases para a adxudicación do balneario da Entidade Local Menor de Berán, grazas ao apoio do propio consistorio, a Xunta de Galicia e da Deputación de Ourense. “Unha iniciativa que permitirá fixar poboación e atraer turismo”, explica o rexedor.
- Fronte a isto, o senador galego critica a ausencia da senadora do BNG, “a quen se lles incha tanto a boca defendendo o rural e as medidas para evitar o despoboamento en Galicia e hoxe deberían estar aquí, pero non están”.
