II Concentración Solidaria na Peroxa

O recinto feiral de A Peroxa acollerá o domingo 15 de decembro desde as 11.00 horas a celebración dunha nova edición desta concentración solidaria. O prezo de inscrición para aqueles que queiran participar nesta actividade benéfica exhibindo o seu coche é de 5 kg de alimentos. O Banco de Alimentos de Ourense contará cun punto de recollida de alimentos non perecedoiros na entrada do recinto feiral. Haberá música, sorteos e exhibición de coches clásicos, deportivos e incluso de competición, procedentes de varios puntos da comunidade autónoma.
Organiza Hermanos Caride Fernández Trabajos Verticales xunto co Concello da Peroxa e en colaboración co Banco de Alimentos de Ourense. Ata o momento xa hai 100 inscritos.