Home Ourense A Limia Iniciado o curso de “Actividades Auxiliares de Agricultura” organizado polo Inorde no...

Iniciado o curso de “Actividades Auxiliares de Agricultura” organizado polo Inorde no Centro de Desenvolvemento Agrogandeiro

- Anuncio -

Emma González visitou hoxe ao alumnado que está a participar nesta formación, que responde a “unha nova liña de traballo do Inorde tras acreditar ao noso Centro en Xinzo de Limia para impartir os certificados de profesionalidade nesta especialidade e na de Agricultura Ecolóxica”, sinalou a xerente

A xerente do Inorde, Emma González, visitou hoxe en Xinzo de Limia, ao alumnado que está a participar no curso de formación en “Actividades Auxiliares de Agricultura” organizado polo Inorde no Centro de Desenvolvemento Agrogandeiro tras lograr acreditalo para impartir os certificados de profesionalidade nesta especialidade e na de “Agricultura Ecolóxica”.

“Os obxectivos desta primeira acción formativa son, por unha banda, formar ao maior número posible de persoas para dotar de man de obra especializada a un dos sectores clave na economía provincial como é o sector agrario e, por outra banda, dado que o curso está pensado principalmente para desempregados, ofrecerlles a oportunidade de formarse nunha materia que está a demandar traballadores”, explicou a xerente do Inorde.

O curso, cunha duración total de 388 horas impartidas en horario de mañá de 9.00 a 14.00 horas, comezou o 9 de xaneiro e finalizará o 3 de maio. O alumnado que remate o curso disporá dun certificado de profesionalidade de Nivel 1. O obxectivo desta acción formativa, financiada pola Xunta de Galicia e o Ministerio de Educación e Formación Profesional, é executar operacións auxiliares en cultivos agrícolas seguindo instrucións de superiores ou plan de traballo, e cumprindo as medidas de prevención de riscos laborais, calidade e protección do medio ambiente.

O módulo de prácticas profesionais non laborables do curso durará 40 horas. Ao final do mesmo, impartiranse 18 horas de formación transversal en inserción laboral, sensibilización ambiental e formación en igualdade.

Algúns exemplos de postos de traballo para os que habilitará ao alumnado este curso son: Peón agrícola, Peón agropecuario, Peón en horticultura, Peón en fruticultura, Peón en cultivos herbáceos, Peón en cultivos de flor cortada, Peón de xardinaría, Peón de viveiro, Peón de centros de xardinaría, Peón de campos deportivos…..

A continuación desta acción formativa, impartirase o de “Agricultura Ecolóxica”, que acredita ao alumnado cun certificado de profesionalidade de Nivel 2, polo que é imprescindible contar coa ESO, Competencias Clave N2 ou formación equivalente. No caso de non ter ningunha delas, tamén se poderá acceder ao curso se previamente se realizou este curso de “actividades auxiliares de agricultura”.

Relacionadas

A Deputación lidera un grupo de traballo para previr os efectos do cambio climático...

0
O deputado de Innovación e Desenvolvemento Sostible, Jorge Pumar, está a participar na reunión de lanzamento do proxecto ThermEcoWat que se celebra estes días...

O Marcos Valcárcel acollerá o 2 de abril o remate do curso 23-24 do...

0
O acto incluirá un concerto didáctico e unha Máster Class do artista armenio Hovhannes Karakhanyan, especialista na frauta coñecida como “Duduk”, instrumento con máis...

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

A nova liña 6 de autobuses urbanos entrará en servizo o vindeiro luns, con...

0
Cruzará a cidade de Norte a Sur e unirá puntos clave como a estación intermodal, O Couto Norte, centro cidade, residencia e Barrocás O Pavillón...

Luis López anuncia un investimento de 1,5 millóns de euros en tres anos no...

0
O presidente provincial, acompañado pola deputada de Turismo, Nava Castro, detallou o contido dun plan que contempla a renaturalización da contorna, o deseño de...

A Deputación aproba máis de 100.000 euros para realizar melloras nas infraestruturas deportivas da...

0
O Plan Extraordinario de Infraestruturas Deportivas xa mobilizou máis de 930.000 euros entre os concellos da provincia A Deputación de Pontevedra acaba de aprobar axudas...

Publicacións Relacionadas