Home Ourense Baixa Limia Lobios será a sede do II Seminario Internacional de Educación Social, co...

Lobios será a sede do II Seminario Internacional de Educación Social, co apoio da Deputación de Ourense

- Anuncio -

Estas xornadas que inclúen a II Convivencia Interuniversitaria e Profesional na Serra do Xurés, reunirán do 29 de setembro ao 1 de outubro, a centos de persoas de diferentes institucións académicas de Galicia, Asturias, País Vasco e Portugal

Trátase dun evento “referente na Educación Social do noroeste peninsular que ofrece un amplo e variado programa de actividades que permitirá o intercambio de coñecementos entre profesionais, estudantes e veciños, poñendo en valor esta profesión nun marco incomparable como é Lobios”, salientou na presentación o deputado de Representación Institucional

O II Seminario Internacional de Educación Social e a II Convivencia Interuniversitaria e Profesional na Serra do Xurés, reunirán do 29 de setembro ao 1 de outubro en Lobios, co apoio da Deputación de Ourense, a centos de persoas de diferentes institucións académicas de Galicia, Asturias, País Vasco e Portugal.

A presentación desta iniciativa tivo lugar hoxe no Pazo Provincial, acto no que participou o deputado provincial de Representación Institucional, Rosendo Fernández; o vicerreitor da Universidade de Vigo do Campus de Ourense, Javier Rodríguez; o decano da Facultade de Educación e Traballo Social, Xosé Manuel Cid; a alcaldesa de Lobios, Mª del Carmen Yáñez; e en representación do Colexio Oficial de Educadores Sociais de Galicia, Deibe Fernández.

Trátase dun evento “referente na Educación Social do noroeste peninsular que ofrece un amplo e variado programa de actividades que permitirá o intercambio de coñecementos entre profesionais, estudantes e veciños, poñendo en valor esta profesión nun marco incomparable como é Lobios”, salientou Rosendo Fernández.

Pola súa parte, o vicerreitor do Campus de Ourense reivindicou a importancia desta profesión que “complementa o labor dos mestres, chegando a lugares a onde ás veces non pode chegar o maxisterio”. Así mesmo, agradeceu a colaboración da Deputación para “achegar a cultura a todos os eidos da provincia”, levando este tipo de actividades ao rural para dar visibilidade á profesión, pero tamén a zona do Xurés entre os participantes no Seminario.

Formación, convivencia, etnografía e cultura con alumnado de 10 institucións académicas do noroeste peninsular

Deibe Fernández explicou que este evento pretende ser “un espazo no que poidan convivir figuras profesionais, docentes das Universidades e alumnado que, ao mesmo tempo, se enriquezan da etnografía, cultura e natureza do Xurés”. Por elo, a alcaldesa de Lobios agradeceu ao Colexio a súa aposta por escoller o seu concello para celebrar esta actividade a pesar do “esforzo loxístico” que supón organizalo nun territorio rural. Neste sentido, o decano da Facultade de Educación e Traballo Social salientou a importancia desta convivencia afirmando que “o rural e a xuventude universitaria necesítanse mutuamente”.

O programa divídese en dous espazos: o primeiro está dedicado ao Seminario no que haberá 18 obradoiros que abranguen diferentes temáticas vinculadas directamente co marco da acción da Educación Social, e a segunda parte do programa está enfocada á convivencia do alumnado participante das 10 institucións académicas do noroeste peninsular cos profesionais e profesorado, como coa veciñanza do Xurés. A parte formativa compleméntase con actividades ao aire libre para que os participantes coñezan a zona a través dun paseo polo Parque Natural e dun baño nas termas.

Relacionadas

A Xunta realiza un simulacro de activación do Plan de Emerexencia Exterior de CEPSA...

0
O director xeral de Emerxencias e Interior, Santiago Villanueva, participou na coordinación do exercicio para comprobar a eficiencia do operativo ante unha emerxencia realDurante...

Delgado esixe explicacións á secretaria xeral de Transporte Terrestre sobre a retardación e paralización...

0
• Denuncia que vinte meses despois de colocarse a primeira pedra do tramo da A-56, Variante Norte Eirasvedras-Quintela (1,7 km.), non hai obra algunha...

A rúa Doutor Marañón estará pechada ao tráfico desde mañá por obras de arranxo...

0
A rúa Doutor Marañón estará pechada ao tráfico desde mañá, mércores, 29 de maio, até o día 19 de xuño pola execución de obras...

A Deputación patrocina a etapa 12ª de “A Volta 24”, con inicio en Ourense,...

0
O presidente provincial, Luis Menor, e o director da Volta, Javier Guillén, presentaron no miradoiro Pé do Home, en Nogueira de Ramuín, esta etapa...

Luis Menor pide “máxima concentración” ante unha nova cita coas urnas para dicirlle alto...

0
● “Non nos despistemos”, subliñou o presidente provincial, “pois se gaña Sánchez e os seus socios, perdemos todos”. O Partido Popular, dixo, “sempre sae a...

A Deputación colaborará coa Fundación San Rosendo na mellora asistencial dos maiores na provincia...

0
Así llo trasladou o presidente provincial, Luis Menor, ao presidente da entidade, José Luis Gavela, durante unha reunión de traballo no Pazo Provincial  Menor subliñou...

Publicacións Relacionadas