Mario Rodríguez incidiu na importancia da colaboración institucional para desenvolver proxectos estratéxicos e potenciar as políticas sociais
O presidente dos populares ourensáns e candidato á Deputación remarcou no mitin, celebrado esta tarde no Centro Cultural Parada Justel, “os froitos da xestión desenvolvida por Mario Rodríguez ao fronte do Concello de Esgos”
“Dicir Mario Rodríguez é dicir estabilidade, compañeirismo, prudencia, humildade…e tamén un carácter reivindicativo e esixente como podemos ver coa enumeración de obras e proxectos executados ao longo deste tempo en Esgos”, sinalou Manuel Baltar
“O PPdeOU e, sobre todo, os veciños agradecen profundamente que Mario Rodríguez volva a encabezar este equipo, tecendo unha candidatura a que é unha honra pertencer, e que está preparada para traballar dende o minuto 1 a toma de posesión do vindeiro 17 de xuño”, destacou o líder provincial do PPdeOU
“Contar con Mario Rodríguez é contar con futuro: Esgos merece a Mario Rodríguez e ao gran proxecto do Partido Popular”
“O Plan de Mandato 2127”, lembrou Manuel Baltar, suma iniciativas estratéxicas para a dinamización económica do medio rural ou o emprendemento da mocidade, ademais do reforzo dos servizos sociais na liña do traballo desenvolvido polo goberno provincial ourensán
MARIO RODRÍGUEZ: “IMPLANTAREMOS NOVOS PLANS DE EMPREGO PARA MOZOS, MULLERES E PARADOS DE LONGA DURACIÓN”
O candidato popular remarcou no mitin desta tarde a importancia da colaboración institucional para desenvolver proxectos estratéxicos e “seguir construíndo o futuro de Esgos”
Arredor do seu programa, Mario Rodríguez incidiu na importancia de reforzar os servizos sociais: “Potenciaremos o servizo de axuda no fogar, a teleasistencia e as axudas de emerxencia municipal. Ademais, blindaremos as axudas á natalidade e á escolaridade, ademais das medidas de conciliación familiar”
“Implantaremos novos plans de emprego para mozos, mulleres e parados de longa duración, a través de obradoiros e distintos programas e con único obxectivo: sumar dinamismo a un Esgos con moito futuro”
“Dotaremos ao campo de fútbol de herba artificial e construiremos unha cancha de pádel”, explicou Mario Rodríguez, que tamén avanzou a mellora dos parques infantís de Esgos, Vilar, Folgoso e Lobaces
No eido da eficiencia enerxética, “instalaremos placas solares na depuradora de Folgoso e rematar o cambio de luminarias a LED en todo o concello”
O candidato popular remarcou a importancia de novas obras de saneamento e mellora das vías públicas, ademais da potenciación das rutas de sendeirismo e o proxecto de restauración da “Casa do Romasanta”
