Gabriel Alén: “Lara da Silva e toda a súa candidatura son unha garantía para cuestións fundamentais como a dinamización de Verín, a colaboración en proxectos que impulsarán o emprego e no apoio ao sector primario”
Lara da Silva: “Os membros desta candidatura tiveron a valentía de poñerse a traballar por mellorar Verín. Por facer un Verín aberto nos seus horizontes, aberto ao resto de concellos. Un Verín que volva a ser o centro da comarca e que recupere a importancia que sempre tivo”
O presidente provincial definiu esta tarde á candidatura popular como “unha candidatura gañadora. Unha candidatura artellada para impulsar a gran transformación de Verín e construír o futuro desta vila. Porque esta é unha candidatura ampla, renovada, que representa a todos os veciños da vila e que está liderada por unha magnífica candidata”
”Agradezo moito o paso adiante que da Lara da Silva, que atende as demandas dos seus veciños para liderar unha alternativa”, sinalou Manuel Balar no acto de presentación da candidatura, celebrado na sede local. “Porque Verín merece unha alternativa, e esta candidatura é a garantía de que a partir do 28 de maio este concello abrirá un novo ciclo, con políticas rigorosas, realistas e coa capacidade para aproveitar todas as potencialidades deste concello en sectores estratéxicos como o vitivinícola, o turístico ou o termal”
”Lara da Silva é unha persoa nova, formada e con experiencia. Ela forma parte dunha xeración ben representada no PPdeOU, o Partido de Ourense, tan amplo como esta provincia”, remarcou Manuel Baltar sobre unha candidata “comprometida, traballadora, valente, xenerosa e emprendedora. Este carácter demóstrano día a día. Fíxoo ao fronte da CRDO de Monterrei, no seu despacho e agora na política, á que chega para mellorar a terra que tan ben coñece e pola que tanto ten apostado e traballado”
”Este equipo está preparado para gobernar. O programa do PP de Verín demostra a capacidade para deseñar proxectos e tecer novas liñas de colaboración cos outros gobernos que operan no territorio. Coa Deputación de Ourense, coa Xunta de Galicia e cun Goberno central que pronto estará presidido polo ourensán Alberto Núñez Feijóo”
Manuel Baltar: “Verín debe ser unha peza central, estratéxica, dentro da provincia de Ourense. Isto o temos moi claro no PPdeOU, que situamos a Verín no centro das nosas políticas, como queda referendado no Plan de Mandato “2127” que presentaremos este sábado en Celanova e que será a folla de ruta provincial dos vindeiros catro anos, con maioría absoluta na Deputación de Ourense. Isto non o fai ningunha outra formación política, e isto é o plus que proporciona o PPdeOU, o Partido de Ourense”
”Quedan 33 días para as eleccións municipais. Esta candidatura, con todo o músculo e a loxística do PPdeOU, ofrece a Verín a oportunidade de cambiar de ritmo e gañar en modernidade, en gañar en seriedade, en recuperar o tempo perdido. Esta candidatura é o futuro de Verín”, concluíu o presidente provincial
GABRIEL ALÉN REMARCOU O COMPROMISO DE LARA DA SILVA E O SEU EQUIPO POLA CREACIÓN DE EMPREGO, O TURISMO
“Lara da Silva aposta pola creación de emprego. Ela e o seu equipo son unha garantía para dinamizar Verín, co seu programa e tamén reforzando as medidas implantadas pola Xunta de Galicia neste concello, como o primeiro Polo de Emprendemento. Ademais de colaborar dende o Concello na potenciación do polígono de Pazos e o desenvolvemento do de Tamagos”, explicou Gabriel Alén, vicesecretario de Participación do PPdeG
“Esta candidatura aposta por desenvolver todo o potencial turístico deste concello”, remarcou Alén no acto de presentación da candidatura. “Porque Verín necesita un goberno municipal que aposte pola Vía da Plata e estableza sinerxías co Castelo de Monterrei, un fito comarcal. Tamén necesita un goberno municipal que aposte de verdade polo potencial termal desta vila, en colaboración cos concellos da comarca, a Deputación e a Xunta, para desenvolver este gran potencial que atesoura Verín”
“A defensa da sanidade pública e o Hospital de Verín é un dos eixos do programa de Lara da Silva. Grazas en gran medida á reivindicación do PP de Verín, hoxe contamos con obras importantes para ampliar e mellorar o hospital, ou conseguindo que se convoquen 27 prazas por concurso de mérditos -5 de Primaria, 20 no hospital e 2 de Pediatría-“, sinalou Gabriel Alén
“Precisamos un alcalde de Verín proactivo, como será Lara da Silva, para apoiar ao sector primario deste concello e impulsar o territorio a través de ferramentas como a Lei de recuperación da terra agraria de Galicia”, explica Gabriel Alén, que tamén remarca o “carácter social dunha candidatura que aposta pola atención aos veciños e pola conciliación familiar, con apostas claras coma a potenciación do Punto de Encontro Familiar -hoxe en fase de redacción de proxecto- ou a ampliación de prazas de Educación Infantil”
LARA DA SILVA: “APOSTAMOS POR UN VERÍN RESPECTUOSO E TRANSPARENTE, QUE CONVIDE A INVESTIR E NO QUE A DEFENSA DA SANIDADE E A BLINDAXE DOS SERVIZOS PÚBLICOS SEXAN CUESTIÓNS PRIORITARIAS”
“Esta é unha nova etapa do PP de Verín”, destacou a candidata popular. “Teño a honra de encabezar esta candidatura, con humildade, forza, ilusión e o meu estilo. Máis aló dunha lista, estes son os meus compañeiros, os que me acompañarán nos próximos catro anos para traballar baixo uns valores e para todos os verinenses”
Lara da Silva agradeceu o apoio do presidente provincial, Manuel Baltar, dos seus compañeiros e do presidente local, Juan Manuel Jiménez Morán: “Grazas Juan polo traballo realizado nestes dezasete anos, pola túa dedicación neste tempo e por saber pechar un ciclo”
“Os membros desta candidatura tiveron a valentía de poñerse a traballar por mellorar Verín. Por facer un Verín aberto nos seus horizontes, aberto ao resto de concellos. Un Verín que volva a ser o centro da comarca e recupere a importancia que sempre tivo”, reivindicou a candidata
“Apostamos por un Verín respectuoso e transparente, que convide a investir e no que a defensa da sanidade e a blindaxe dos servizos públicos sexan cuestións prioritarias”, sinalou Lara da Silva
“Estamos aquí para ser o Partido de Verín, baixo as siglas do PP, un partido que demostra unha xestión impecable. Loitaremos para obter a confianza maioritaria dos verinenses e seguir demostrando que votar ao PP é votar ao Partido que coñece, comprende e se compromete coas demandas e as necesidades dos veciños”, concluíu a candidata popular
CANDIDATURA DO PP DE VERÍN
1.- Lara da Silva Rodríguez
33 anos
Avogada e criminóloga, con despacho en Verín
- Aitor Álvarez Prado
41 anos
Diplomado en Maxisterio en especialidade de Educación Física
Técnico deportivo, profesor e empresario
- Sonia Arias Pereira
45 anos
Diplomada en Relacións Laborais e administradora de fincas colexiada
Empresaria con despacho en Verín
- Beatriz Blanco Adegas
42 anos
Educadora infantil e técnica superior en Administración e Finanzas
Autónoma
- Bernardo Rodríguez Danoz
21 anos
Estudante de Dereito, Ciencias Políticas e Administración Pública na Universidad Autónoma de Madrid
- Tamara Velázquez Rivero
41 anos
Operaria de produción en Augas de Cabreiroá
- Paula Gómez García
33 anos
Servizo de limpeza do Hospital de Verín
Estudante do Grao de Psicoloxía
- Juan Pablo García Losada
- Benito Quiñones García
48 anos
Enfermero e podólogo, traballa no CSS de Verín
- Benjamín Pérez Cuquejo
43 anos
Informático, traballa nunha explotación avícola
- Emma Rodríguez Vicente
35 anos
Experiencia en xestión administrativa e contable. Formación en esteticista
- Montserrat Diéguez González
51 anos
Administrativa en empresa privada e estudante de Radioloxía
- Rosa Simón González
75 anos
Ama de casa e agricultura
- Alejandro Justo Arias
27 anos
Deseñador de interiores, traballo en carpintería
- Celestino Cid Lorenzo
41 anos
Autónomo
- Pablo Reigada Vázquez
43 anos
Comercial en multinacional de gran consumo
- María Luisa Valladares Rodríguez
62 anos
Médica en Verín
Suplentes
- Benito García Veiga
64 anos
Empresario
- Celia Sousa Suárez
62 anos
Técnico en xestión administrativa
- Manuel Baños Fariñas
53 anos
Celador no Hospital de Verín
- Ana Belén Abuín Aído
48 anos
Enfermeira no Hospital de Verín