Jaime Sousa: “Reforzaremos a promoción de iniciativas para asentar poboación no noso concello, a través de ferramentas coma a rehabilitación de edificios públicos”
O presidente dos populares ourensáns e candidato á Deputación remarcou no mitin, celebrado esta tarde no Teleclube Seixadas, “o excelente traballo de Jaime Sousa ao fronte do Concello de Cartelle”
“Ninguén dubida que Jaime Sousa volverá a ser o alcalde de Cartelle tras o 28 de maio: suma décadas de experiencia na xestión municipal, anos como alcalde e, sobre todo, forza renovada. Todo isto fai que o encontro desta tarde sexa unha festa e un anticipo do 28 de maio, cando unha gran maioría absoluta avale o seu traballo”
“Jaime Sousa é un dos grandes activos do Partido Popular na provincia de Ourense e un dos mellores alcaldes. O 28 de maio renovará a confianza masiva dos seus veciños para seguir pensando e facendo o Cartelle do futuro”
“A Deputación de Ourense sempre estará ao carón dun concello como Cartelle, con probada capacidade para deseñar novas iniciativas e blindar a cooperación do goberno provincial e a Xunta de Galicia, nunha liña de colaboración á que pronto se sumará o goberno liderado polo ourensán Alberto Núñez Feijóo”
“O Plan de Mandato 2127”, lembrou Manuel Baltar, afonda na cooperación cos concellos e inclúe iniciativas estratéxicas para o futuro do medio rural, o reforzo das políticas sociais ou o emprendemento
JAIME SOUSA: “CONSTRUIREMOS UN CENTRO DE DÍA PARA SEGUIR MELLORANDO A ATENCIÓN AOS NOSOS MAIORES”
O candidato popular remarcou no mitin desta tarde a importancia da colaboración institucional para seguir desenvolvendo proxectos estratéxicos, na liña dos últimos anos
“Seguiremos promovendo iniciativas para asentar poboación, a través de ferramentas coma a rehabilitación de edificios públicos”, destacou Jaime Sousa
Entre as iniciativas estratéxicas para o próximo mandato, Jaime Sousa avanzou a construción dun centro de día ou a posta en valor da casa de Carlos Velo, que “converteremos en museo da súa memoria e do cine galego”
“Reformaremos dun xeito integral dos campos de fútbol de Cartelle e Outomuro, coa instalación de herba artificial e iluminación”
O candidato popular tamén avanzou o remate da reforma do alumeado en todo o concello, o remate das obras na estrada Cartelle – Sande, a construción de máis parques infantís ou a ampliación do ximnasio municipal
“Dentro da reivindicación da nosa memoria”, destacou Jaime Sousa, “recuperaremos a figura da primeira gaiteira galega, Áurea Rodríguez, ‘A raíña da gaita galega’, dando o seu nome á biblioteca municipal”
