test
Home Viana A Gudiña Manuel Baltar: “O albergue de peregrinos da Gudiña e as piscinas de...

Manuel Baltar: “O albergue de peregrinos da Gudiña e as piscinas de Cualedro, dous novos exemplos de cooperación entre administracións”

- Anuncio -

O presidente da Deputación visitou co presidente da Xunta de Galicia e os alcaldes destes concellos estas novas infraestruturas, que contan co apoio da institución provincial

O presidente da Deputación de Ourense, Manuel Baltar, participou hoxe, xunto ao presidente da Xunta de Galicia, Alberto Núñez Feijoo; os alcaldes da Gudiña e Cualedro, José María Lago e Luciano Rivero, e outras autoridades, na visita a dúas novas infraestruturas coas que conta a provincia de Ourense: o albergue de peregrinos da Gudiña, “Casa da Viúva”, e as piscinas municipais de Cualedro, “dous excelentes exemplos de cooperación entre administracións, dixo Baltar, salientando que a cooperación “é básica, multiplica os esforzos e materializa propostas serias e rigorosas como fixeron os concellos da Gudiña e Cualedro”.

En relación ao albergue de peregrinos, o presidente do goberno provincial dixo que está situado nunha contorna estratéxica da Vía da Prata, camiño que atravesa a terceira parte dos concellos da provincia de Ourense e que é un valor a potenciar, consolidado ao longo do tempo”. Na mesma liña, Núñez Feijoo dixo que o albergue da Gudiña “é un exemplo do compromiso de ofrecer aos peregrinos a mellor Galicia neste Xacobeo”, e subliñou que o edificio conta con 44 prazas, un cuarto adaptado con aseo, aparcadoiro de bicicletas, un espazo para información sobre o Camiño, e comedor, cociña e área de descanso, precisando que a Vía da Prata conta na actualidade con 13 albergues, aos que se sumarán 2 establecementos máis: o de Cea, con 43 prazas, e o de Piñor con 40.

Posteriormente, na visita ás piscinas de Cualedro, Manuel Baltar expresou que son froito “do esforzo, da racionalidade e do proxecto do seu alcalde e do grupo de goberno, o que supón unha posta polo territorio e son investimentos no rural que teñen que ver coas cuestións de lecer, coa igualdade de oportunidades e coa calidade nos servizos públicos, algo co que a Deputación de Ourense comprácese en colaborar economicamente da man do Concello de Cualedro para pór a disposición da veciñanza esta infraestrutura, longamente demandada, que fortalecerá a imaxe de Cualedro desde o punto de vista turístico”, comentou Manuel Baltar.

Neste acto, as autoridades descubriron unha placa conmemorativa en agradecemento á familia de Francisco Rivero Galina e Benita Barazal Rivero por ter doado a finca na que construíu a infraestrutura, e en lembranza de todos os emigrantes do Concello de Cualedro. A piscina conta, ademais dos vasos para adultos e nenos, cunha pista de xogos múltiples, enfermería para primeiros auxilios, vestiarios e cafetería.

Relacionadas

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

Luis López anima ao alumnado da provincia a levar á practica as tarefas do...

0
O presidente provincial, acompañado polo deputado Javier Tourís, compartiu esta mañá de luns co alumnado do CEIP As Covas, de Meaño, aos que lle...

As Festas de Ourense requirirán realizar cortes de tráfico na rúa do Progreso (Alameda),...

0
A Policía Local do Concello de Ourense informa do dispositivo de tráfico para a celebración, desde pasado mañá, mércores, 19 até o domingo, 23...

Luis López informa ao alcalde de Crecente dun apoio superior aos 800.000 euros a...

0
O presidente provincial mantivo unha reunión co rexedor Julio César García-Luengo na lle avanzou que o compromiso da Deputación para a construción dunha senda...

A Deputación mobiliza preto de medio millón de euros á cooperación con municipios e...

0
A Xunta de Goberno vén de concederlle achegas para gastos de funcionamento ás mancomunidades de Carballiño, Boborás e Leiro; a da Comarca de Verín...

Luis López subliña a colaboración da Deputación coa Asociación Española contra o Cancro para...

0
O presidente provincial, acompañado polo vicepresidente Rafa Domínguez, visita a sede da AECC en Pontevedra para asinar un convenio de colaboración que fomenta a...

Publicacións Relacionadas