Emilio Pazos incidiu no mitin desta mañá en proxectos fundamentais que están en marcha neste concello como a residencia de maiores ou o parque empresarial, “unha iniciativa completamente chave para fixar poboación”
O líder dos populares ourensáns e candidato á Deputación destacou no mitin, celebrado esta mañá na Casa de Cultura de Trasmiras, a xestión desenvolvida por Emilio Pazos ao fronte do Concello
“O 28 de maio, a xente vai a volver a votar a Emilio Pazos neste concello. Suma catro mandatos con maioría absoluta e así vai a seguir sendo, porque os veciños de Trasmiras ven nel a persoa que pode seguir facendo realidade demandas estratéxicas do concello”
Manuel Baltar insistiu na importancia da futura residencia de maiores de Trasmiras: “Un proxecto fundamental, que o Concello de Trasmiras fará en cooperación coa Deputación e a Xunta de Galicia, dous gobernos tamén liderados polo Partido Popular grazas aos votos dos veciños de Trasmiras”
“Emilio Pazos foi quen de artellar un equipo que vai a seguir traballando por Trasmiras. E o 28 de maio, Trasmiras devolverá a confianza pola xestión realizada nestes anos”, remarcou o presidente do PPdeOU
O presidente provincial e candidato á Deputación blindou o compromiso do goberno provincial, “igual que o acreditado colaboración da Xunta de Galicia”, no futuro de Trasmiras, “grazas á capacidade de Emilio Pazos para deseñar iniciativas transformadoras e de blindaxe dos servizos sociais e tecer potentes liñas de colaboración coas administracións”
“O Plan de Mandato 2127”, destacou Manuel Baltar, “afonda na posición fundamental de Trasmiras e de toda a comarca da Limia, con proxectos estratéxicos como o centro de tratamento de residuos orgánicos ou a colaboración coas comunidades de regantes”
EMILIO PAZOS: “A ATENCIÓN AOS NOSOS MAIORES É FUNDAMENTAL. TEMOS A PUNTO UN PROXECTO FUNDAMENTAL, NO QUE LEVAMOS TEMPO TRABALLANDO, COMO É A RESIDENCIA DE MAIORES, QUE SERÁ REALIDADE CO APOIO DA DEPUTACIÓN E A XUNTA DE GALICIA”
Na súa intervención, Emilio Pazos agradeceu o apoio dos veciños ao longo destes anos -“fixéchedes moito máis fácil ser o voso alcalde”- e incidiu na importancia de ter aprobado o plan urbanístico, que “permitiu ter moi avanzada novas iniciativas pese ao parón provocado pola pandemia”
“O noso proxecto non é botar a un alcalde nin sequera gañar unhas eleccións. A nós so nos vale a maioría absoluta, porque o noso proxecto é seguir mellorando Trasmiras”
Emilio Pazos puxo en valor iniciativas en marchas neste concello: “Queremos un proxecto de futuro, un Trasmiras sólido, con bos apoios. Que unha familia que chegue a Trasmiras poida facer a súa casa e teña todas as facilidades para construír a súa vida aquí e poder gañar a súa vida aquí. Por iso para nós é fundamental o futuro parque empresarial, para poder fixar poboación”
“O sector primario é fundamental. Temos moitas explotacións, xestionadas por mozas e mozos do noso pobo, que temos que seguir apoiando como estamos facendo. Mellora de infraestruturas, limpeza de pistas, máis chan agrícola… esta é unha aposta de futuro”
“A atención aos nosos maiores é prioritaria. Tempos a punto un proxecto fundamental, que levamos moito tempo traballando, como é a residencia de maiores de 50 prazas. E será realidade co apoio da Xunta de Galicia e a Deputación de Ourense”
“Sabemos onde queremos chegar, sabemos como chegar. Temos o traballo feito, o mellor equipo. Necesitamos o voso apoio, non so o voso voto”, concluíu Emilio Pazos no mitin desta mañá
