Home Ourense Allariz-Maceda Manuel Baltar reúnese co novo alcalde de Paderne de Allariz para analizar...

Manuel Baltar reúnese co novo alcalde de Paderne de Allariz para analizar as liñas de colaboración abertas entre Deputación e concello

- Anuncio -

O presidente da Deputación recibiu no Pazo Provincial a Manuel Pérez, que onte mesmo tomou posesión do seu cargo. “Será “unha traxectoria chea de éxitos pola experiencia dun home vinculado coa política local desde hai máis de trinta anos”, afirmou Baltar

O rexedor cualificou o encontro como “unha primeira toma de contacto moi positiva”, subliñando a colaboración do goberno provincial, “pois sen a súa axuda non daríamos cuberto todas as obras e servizos básicos que, aínda por pequenas que sexan, son moi importantes para a veciñanza”

Na reunión repasaron as obras de infraestruturas e servizos nos que colaboran ambas administracións, así como o proxecto da piscina municipal e o futuro Centro de Transformación de produtos do sector primario na vella estación de tren de Cantoña

O presidente da Deputación, Manuel Baltar, recibiu no Pazo Provincial ao novo alcalde de Paderne de Allariz, Manuel Pérez, co que analizou as liñas de colaboración abertas entre o goberno provincial e o concello, que van desde a execución de obras de urbanización e abastecemento ata un proxecto de transformación de produtos do sector primario.

Manuel Baltar expresou ao rexedor os seus parabéns pola nova etapa que principia, tras tomar posesión do seu cargo onte mesmo. “Estou seguro que será unha traxectoria chea de éxitos”, afirmou o presidente da Deputación, que destacou “a experiencia dun home con vocación de traballo, como así o demostra a súa vinculación coa política local desde hai máis de trinta anos”.

O presidente do goberno provincial e o alcalde de Paderne de Allariz repasaron durante o encontro os proxectos nos que colaboran ambas administracións e que se executan en varios núcleos de poboación do municipio, entre os que figuran as obras de humanización de rúas, rede de sumidorios e abastecemento, incluída a recuperación de dous mananciais.

Tamén abordaron a construción da piscina municipal, proxecto que financia a Deputación e que segue a súa fase de tramitación, ademais de revisar as actuacións relativas ao futuro Centro de Transformación de produtos do sector primario que, impulsado a través do Inorde, converterá a vella estación de tren de Cantoña nunha planta de procesado que axudará aos pequenos produtores e emprendedores do rural ourensán.

Manuel Pérez, que agradeceu as palabras de benvida de Manuel Baltar, cualificou o encontro como “unha primeira toma de contacto moi positiva”, subliñando “a súa disposición a escoitar as nosas propostas”. Unha colaboración que, segundo asegurou o alcalde, “é fundamental para nós, pois sen axuda da Deputación non daríamos cuberto todas estas obras e servizos que, aínda por pequenos que sexan, son moi importantes para a veciñanza”.

Relacionadas

A Deputación colabora no proxecto “Aterra” do GDR Limia-Arnoia como “exemplo da suma de...

0
Manuel Baltar avanzou esta vía de cooperación tralo encontro que mantivo esta mañá no Pazo Provincial cos representantes da xunta directiva deste Grupo de...

A Deputación reforzará a colaboración co Concello da Merca en materia de prevención de...

0
O presidente do goberno provincial, Manuel Baltar, mantivo esta mañá un encontro de traballo co alcalde da Merca, José Manuel Garrido O presidente da Deputación,...

Castrelo de Miño acolle este domingo o Campionato Galego de Remo de longa distancia

0
A proba, na que colabora a Deputación de Ourense, reunirá a 150 deportistas de 14 clubs galegos, sumando en total 97 embarcacións inscritas O encoro...

A humanización da rúa Nicomedes Pastor Díaz obriga a cambiar, desde este luns, o...

0
O acceso ao barrio da Carballeira farase desde a rúa Vázquez Núñez, mentres que a Rampla Riestra cambia de sentido, para ser de baixada. Garantirase...

Establecer/ampliar o servizo de tren entre o Irixo, Carballiño e Ourense

0
O Grupo Municipal Socialista de O Irixo INSTA Ó GOBERNO MUNICIPAL Á DEIXAR AS FESTAS DE LADO E TRABALLAR POLO TRANSPORTE PÚBLICO NO IRIXO. Queremos...

A Deputación colaborou no proxecto do módulo bioclimático deseñado polo alumnado do IES As...

0
O proxecto, presentado esta tarde coa presenza do vicepresidente Rosendo Fernández, servirá de laboratorio sobre a eficiencia enerxética O vicepresidente primeiro da Deputación, Rosendo Fernández,...

Publicacións Relacionadas