Home Ourense Allariz-Maceda Nacho Campo, Marco Carballal e Manuel Fernández participaron na presentación dos candidatos...

Nacho Campo, Marco Carballal e Manuel Fernández participaron na presentación dos candidatos más novos do PPdeG

- Anuncio -

Os cabezas de lista de Maside, Montederramo e Baños de Molgas interviron no acto presidido por Alfonso Rueda, que reivindicou aos candidatos máis novos do PPdeG: “A xente moza ten que estar tomando decisións e dirixindo”

“Se somos o partido que máis se parece a Galicia e porque Galicia evoluciona e da cada vez máis oportunidades á xente moza”, engadiu

O líder dos populares galegos prometeu seguir traballando para que “a mocidade galega poida ser libre para decidir o quere facer e conte cos medios para facelo”

En clave electoral, pediu aos seus “non confiarse” e animounos a facer o que mellor saben: “Falar coa xente, escoitar, estar na súa, intentar acertar e ser humildes”

O presidente do Partido Popular de Galicia, Alfonso Rueda, reivindicou hoxe aos candidatos e candidatas máis novos da súa formación porque considera que son “o reflexo da Galicia que avanza e evoluciona”, e avogou por brindarlles a oportunidade de demostrar todo o que poden facer polos seus concellos: “Galicia é futuro e o futuro de Galicia é da xente nova”.

Así o manifestou hoxe durante o acto no que se presentaron aos once candidatos máis novos do PPdeG ás eleccións municipais do 28 de maio. Uns candidatos que, na súa opinión, evidencian que para os populares “non existen cotas”, senón “a demostración de saber facer ben as cousas”. Neste sentido engadiu: “Se somos o partido que máis se parece a Galicia é porque Galicia evoluciona e dá cada vez máis oportunidades á xente moza”.

“A xente moza ten que estar tomando decisións e dirixindo”, remarcou Alfonso Rueda antes de pedir aos seus “o máximo esforzo” para acadar os mellores resultados o 28 de maio: “Ninguén tivo nunca bos resultados se se confía e non traballa. Temos que facer o que mellor sabemos: falar coa xente, escoitar, estar na rúa, intentar acertar e ser humildes”.

Para o líder dos populares galegos, o acto celebrado hoxe na Cidade de Cultura de Santiago é a demostración de que “a xuventude galga é libre para estar onde queira e por iso está no Partido Popular de Galicia”. A este respecto asegurou que seguirá traballando para que “a mocidade galega poida ser libre para decidir o quere facer e conte cos medios para facelo”.

En clave electoral, Alfonso Rueda reivindicou ao PPdeG como o único partido que ten designados a todos os seus candidatos e que pode presentar candidaturas nos 313 concellos de Galicia. A todos eles animounos a traballar por acadar maiorías absolutas o vindeiro 28 de maio: “Ningún dos nosos candidatos vai gobernar se non son os máis votados, porque as regras de xogo son inxustas desde o punto de vista da vontade da xente. Así que hai que facer un esforzo máximo, traballar intensamente o os éxitos chegarán”.

UN FUTURO ENTRE TODOS

O acto, ao que asistiron 150 membros de Novas Xeracións, contou coa presenza da secretaria xeral do PPdeG, Paula Prado, a responsable de Xuventude no Goberno galego, Fabiola García, o presidente provincial do PP de Pontevedra, Luis López, e o presidente de Novas Xeracións de Galicia, Adrián Pardo.

Este último reivindicou que “fronte á xeración gris na que nos quere converter o PSOE e fronte á Galicia pequena do BNG”, no PPdeG “hai unha xeración chamada a construír a mellor Galicia da historia e un futuro entre todos”.

Pola súa banda, a coordinadora xeral de Novas Xeracións de Galicia, Eugenia Vizcaíno, exerceu de moderadora nas diferentes mesas redondas que tiveron lugar ao longo da xornada e na que interviñeron os once candidatos: Lara Meneses (Tomiño, 1996), Manuel Fernández (Baños de Molgas, 1992), José Rodríguez (Ribas de Sil, 1999), Luis Insua (Fisterra, 1992), Nacho Campo (Maside, 1997), Miguel Gallego (Samos, 1998), Fernando Couce (Cabanas, 1992), Carlos Rodríguez (O Rosal, 1993), Nicole Grueira (Pol, 2001), Iván Caamaño (Catoira, 1996) e Marco Carballal (Montederramo, 1999).

Relacionadas

Luis Menor apela á colaboración público-privada para “facer o Camiño xuntos e potenciar a...

0
O presidente provincial clausurou xunto ao seu homólogo zamorano, Javier Faúndez, o Ciclo adicado ao Camiño Meridional organizado pola UNED de Ourense e Zamora Anunciou...

Xunta de Goberno Local extraordinaria para aprobar as novas delegacións de competencias do grupo...

0
O Concello de Ourense convocou esta mañá unha Xunta de Goberno Local extraordinaria onde se aprobaron cambios na delegación de competencias dos concelleiros e...

A Deputación incorpora unha nova máquina para cooperar cos concellos no mantemento e reparación...

0
A Deputación de Ourense continúa a reforzar o seu parque de maquinaria coa adquisición dunha nova máquina compactadora que permitirá mellorar a cooperación cos...

FEIRACO patrocina os VI Premios Stephen Hawking, que se entregarán este venres no IES...

0
Un total de 54 traballos aspiran a alzarse coa sexta edición deste premio, coordinado por Amparo Alonso Betanzos, catedrática de Ciencias da Computación e...

A Xunta de Goberno Local aprobou o expediente para contratar un novo sistema de...

0
A Xunta de Goberno Local do Concello de Ourense deu luz verde a dous novos proxectos construtivos financiados parcialmente con fondos procedentes do Plan...

A Xunta pon en valor na Feira EmpregoInCampus Ourense a colaboración coa Universidade...

0
José González sinalou que se destinarán 410.000 euros ás universidades de Vigo, de Santiago de Compostela e da Coruña para impulsar o espírito empresarial...

Publicacións Relacionadas