Home Deputacións Deputación Ourense O 16 de maio remata o prazo para solicitar axudas da Deputación...

O 16 de maio remata o prazo para solicitar axudas da Deputación a proxectos sociais

- Anuncio -

A contía máxima que se pode alcanzar é de 15.000 euros por entidade

As solicitudes a estas convocatorias presentaranse telemáticamente, antes deste xoves 16 de maio, a través do Rexistro Xeral da Deputación, no epígrafe determinado para esta convocatoria, empregándose o formulario que está accesible desde a web www.depourense.es.

Este xoves, 16 de maio, remata o prazo para que as entidades asistenciais poidan solicitar axudas da Deputación a proxectos sociais de atención a mulleres en situación de vulnerabilidade, así como destinados a persoas con enfermidades crónicas e persoas con discapacidades. A contía máxima que se pode alcanzar é de 15.000 euros por entidade.

As solicitudes a estas convocatorias presentaranse telemáticamente, antes do 16 de maio, a través do Rexistro Xeral da Deputación, no epígrafe determinado para esta convocatoria, empregándose o formulario que está accesible desde a web da Deputación de Ourense www.depourense.es.

Precisamente, o goberno provincial, presidido por Luis Menor, vén de traballar na reformulación da estratexia e das liñas de axudas en concorrencia competitiva dirixidas a proxectos de entidades sociais. Así, unha das decisións adoptadas foi a de redeseñar a convocatoria única anual das axudas a entidades sociais en dous programas novos, cada un coas súas propias bases reguladoras, as súas prioridades e, sobre todo, os seus colectivos beneficiarios prioritarios. De feito, ambas novas convocatorias foron publicadas no Boletín Oficial da Provincia (BOP) do pasado 16 de abril.

No que atinxe aos proxectos para a atención integral de mulleres en situación de especial vulnerabilidade social, a Deputación quere impulsar a toma de conciencia do feito de que os desequilibrios e discriminacións fundamentadas no xénero parten xa de un factor discriminatorio. Por este motivo é polo que a Deputación impulsa que esta realidade social teña unha nova convocatoria provincial propia e exclusiva para mulleres en situación de vulnerabilidade. O orzamento para esta nova liña de axudas é de 100.000 euros.

Respecto aos proxectos para a atención a persoas con enfermidades crónicas, persoas con discapacidades ou familiares, para a Deputación resulta fundamental recoñecer o papel que representa o movemento asociativo para mellorar o benestar destas persoas, coa fin de desenvolver ferramentas de atención e mellora da súa calidade de vida, flexibilizando tamén os canais para a súa atención e apoio. Neste senso, todos os proxectos que cubran estas necesidades, que xa contaban con financiación provincial, así como novas iniciativas, terán desde 2024 unha convocatoria específica dotada para este exercicio con 200.000 euros.

Un incremento do 15%

O goberno provincial decidiu incrementar nun 15% o importe destinado ás novas convocatorias en concorrencia competitiva, alcanzando así os 300.000 euros para proxectos sociais. No pasado exercicio, o importe co que se dotou o apoio ás entidades sen ánimo de lucro para o desenvolvemento das súas iniciativas foi de 255.000 euros.

Para a institución provincial, a solvencia acreditada das entidades é un valor para a administración. Así, a Deputación considera ás entidades como interlocutoras solventes, sobre todo nun ámbito como é o social, xa que a súa realidade lles permite unha penetración que non sempre se atopa ao alcance das administración. Así, en 2023 cofinanciáronse 63 proxectos, cun custe global de 575.000 euros, polo que a financiación media provincial alcanzou un 44%.

Relacionadas

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

A Deputación inviste 790.000 euros na mellora da seguridade viaria da estrada provincial EP-2703...

0
A deputada de Infraestruturas Públicas, Isabel Couselo, percorreu tramos desta estrada provincial xunto coa alcaldesa de Ponteareas e tamén deputada provincial, Nava Castro, para...

A Xunta realiza un simulacro de activación do Plan de Emerexencia Exterior de CEPSA...

0
O director xeral de Emerxencias e Interior, Santiago Villanueva, participou na coordinación do exercicio para comprobar a eficiencia do operativo ante unha emerxencia realDurante...

Luisa Sánchez anima a cidadanía a participar na II Andaina do Maúxo organizada pola...

0
A vicepresidenta da Deputación de Pontevedra, Luisa Sánchez, participou este martes na Alameda de Vigo na presentación da II Andaina do Maúxo, que organiza...

Isabel Couselo reúnese con Patrimonio da Xunta de Galicia para avanzar en proxectos en...

0
A deputada de Infraestruturas Públicas, Mobilidade e Contratación Isabel Couselo acaba de reunirse no edificio da Xunta de Galicia de Pontevedra con responsables e...

A Deputación esgota as prazas para a nova xeira de visitas guiadas ao convento...

0
En menos de dous minutos cubríronse as 120 prazas dispoñibles para as visitas, que terán lugar os días 7, 8, 15, 16, 22 e...

Publicacións Relacionadas