test
Home A Coruña O BNG afirma que “esta debe ser a lexislatura da creación do...

O BNG afirma que “esta debe ser a lexislatura da creación do tren de proximidade en Galiza”

- Anuncio -

Bará anuncia a tarxeta multimodal ‘Toda Galiza’ cunha tarifa plana para moverse polo país en calquera medio público: tren, bus, barco ou taxi rural

“Esta debe ser a lexislatura da creación do tren de proximidade en Galiza”. Así o asegurou hoxe o cabeza de lista por Pontevedra, Luís Bará, na reunión que mantivo con representantes da Plataforma de persoas usuarias do tren de Media Distancia, ante quen confirmou a aposta do Bloque polo ferrocaril como “prioridade” á súa chegada ao goberno da Xunta.

O número un por Pontevedra valorou a situación do tren en Galiza, fundamentalmente na liña Vigo-A Coruña e A Coruña- Ourense, nun encontro no que estiveron presentes presencialmente a voceira do colectivo Iria Méndez, así como Iván Busto e Comba Torre, xunto a outras persoas usuarias que se conectaron en liña para trasladar as súas inquedanzas.

O nacionalista destacou que a creación do servizo de ‘cercanías’ en Galiza, un compromiso asumido polo goberno central no pacto de investidura do BNG, vai ser un dos grandes temas dos vindeiros catro anos. “Ten que ser unha realidade nesta lexislatura porque non pode ser que Galiza estea discriminada con respecto a outras comunidades, como por exemplo a veciña Asturias, onde existe este servizo xa dende hai moito tempo, e funcionando ben”, salientou.

A medio prazo o cabeza de lista sinalou como “imprescindible” traballar na intermodalidade, para o que anunciou que o BNG porá en marcha dende a Xunta a tarxeta multimodal ‘Toda Galiza’ que cunha tarifa plana de 30 euros permitirá a galegas e galegos moverse por todo o país en todos os transportes públicos: tren, bus, barco, e taxi rural a demanda. “Por 30 euros poderanse utilizar todos eses modos de mobilidade”, dixo, grazas á creación dun ‘Consorcio de Transportes’ que se encargue da xestión.

Bará recoñeceu que hai moitas necesidades no que respecta ao ferrocarril en materia de mellora de infraestruturas e de servizos, para recuperar frecuencias eliminadas, incrementar e adaptar frecuencias sobre todo en horarios nos que hai máis demanda, así como conseguir unha maior fiabilidade. Subliñou que dende o goberno da Xunta o BNG vai converter o tren nunha das prioridades na relación co Goberno central “para conseguir melloras nas infraestruturas, máis persoal, máis material rodante e mellores servizos”.

Por outra banda, o Bloque anunciou a creación dun ‘Departamento de ferrocarril’ co que o goberno galego poderá empezar a abordar a construción de infraestruturas e no futuro tamén a xestión da rede ferroviaria interna, o que o BNG denomina ‘Galtren’, tal e como está previsto no Estatuto. Así mesmo, propuxo a creación dunha ‘Mesa Galega do Tren’ con todas as entidades vencelladas a este medio de transporte para abrir unha interlocución e ver que propostas e melloras se poden levar adiante de maneira consensuada.

Relacionadas

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Historias sen fin co andel dos libros libres do Rosal

0
O Concello pon en marcha unha iniciativa que busca promover a lectura poñendo a disposición da veciñanza libros de todo tipo de balde Un estante...

O que queren para outras vilas, non o queren para Marín

0
Sobre o estacionamento e a mobilidade urbana  Últimamente, non saímos do noso asombro. Como Goberno local, consideramos que hai que traballar para que unha vila...

O BNG denuncia o “colapso” no hospital de día de oncoloxía do Álvaro Cunqueiro...

0
A fronte nacionalista reclama á Xunta que reforce o servizo para poñer fin ás demoras na atención e para evitar que as persoas doentes...

Diego Calvo, visitou esta mañá en Ribadumia os participantes no IV Torneo Intercontinantal de...

0
O conselleiro de Presidencia, Xustiza e Deportes, Diego Calvo, visitou esta mañá en Ribadumia os participantes no IV Torneo Intercontinantal de fútbol sub-14, máis...

Publicacións Relacionadas