Bemposta apoderarase do complexo cultural de San Francisco este xoves de 11.00 a 14.00 horas e de 16.00 horas até o inicio do espectáculo na sala principal, ás 18.00 horas. Entradas de balde.
O sábado 9 de xaneiro, a Orquestra Clásica de Vigo deixaranos o último agasallo de Nadal co Concerto de Reis desde as 19.00 horas.
Entradas en ataquilla.com ou na billeteira do Auditorio.
–
O Auditorio Municipal de Ourense pecha o seu programa de Nadal con dous eventos especiais: a actuación do Circo dos Muchachos de Bemposta, este xoves 7, e o tradicional concerto de Reis, o sábado 9.
O espectáculo circense apoderarase do complexo cultural de San Francisco este xoves da man do Circo dos Muchachos, un dos movementos máis representativos da cidade. Será de 11.00 a 14.00 horas e de 16.00 horas até o inicio do espectáculo na sala principal, ás 18.00 horas. A entrada é de balde, e haberá que reservala na propia billeteira do Auditorio durante o mesmo día.
O sábado 9 de xaneiro, a Orquestra Clásica de Vigo deixaranos o último agasallo de Nadal co Concerto de Reis desde as 19.00 horas, unha homenaxe ao mestre Beethove, con dúas das súas composicións máis coñecidas.
Na primeira parte, o concerto para e orquestra n.º 4 en sol maior, op. 58, cos seus tres movementos e Severino Ortiz como solista.
I. Allegro moderato
II. Andante con moto
III. Rondó (Vivace)
Na segunda parte do concerto, a Sinfonía n.º 3 en mi bemol maior, op. 55, do mestre teutón, coñecida como A Heroica, unha das obras máis emblemáticas do xenio alemán, inicio do romanticisimo musical, escollida como unha das mellores composicións musicais da historia polos expertos.
I. Allegro con brio
II. Marcia funebre (Adagio assai)
III. Scherzo (Allegro)
IV. Finale (Allegro molto–Poco andante–Presto)
As entradas poden adquirirse en A Taquilla ou na billeteira do Auditorio o día da función.
Espazos expositivos
A oferta cultural municipal amplíase cos seguintes espazos expositivos:
o Belén de Baltar, na praza dos santos Cosmede e Damián, aberto de 11.00 a 14.00 horas e, até o xoves 7, tamén de 17.00 a 20.00 horas.
o Museo Municipal da rúa Lepanto, coa exposición Os nosos fondos, aberto de martes a sábados de 11.00 a 13.30 horas e de 18.30 a 21.30 horas, e os domingos de 11.00 a 13.30 horas.
a sala Valente, na rúa do Paseo, coa exposición Os caprichos espidos, de Xosé Poldras, aberta de martes a sábado de 11.00 a 13.30 horas e de 18.30 a 21.30 horas, e os domingos de 11.00 a 13.30 horas.
o Claustro gótico de San Francisco, de martes a sábado de 11.30 a 13.30 horas e de 17.00 a 20.00 horas.
