O concelleiro Armando Ojea asumirá, de forma temporal, as competencias do seu compañeiro no grupo de goberno Telmo Ucha, logo de que a este último lle comunicasen que resultou positivo por Covid-19.
Así se coñeceu a través dun decreto da Alcaldía, no que se lle confiren a Ojea as funcións das áreas de Política Social, Igualdade e Saúde; Participación Cidadá, Xuventude, Turismo e Termalismo; Servizos Xerais, Transparencia e Sistemas de Información; Seguridade Cidadá; Comercio; e Mobilidade e Transporte, até a reincorporación de Ucha.
—
