Esta selección ten como obxectivo a elaboración do programa de actividades OURENSE XOVE 2022
O Concello de Ourense abre a convocatoria para a selección de proxectos de actividades destinados á mocidade, co fin de elaborar o programa de actividades OURENSE XOVE 2022.
Esta convocatoria vai dirixida a seleccionar proxectos de dinamización formativos e lúdicos dirixidos á mocidade, e poderán participar e presentar proxectos de actividades, todas as persoas físicas ou xurídicas, legalmente recoñecidas.
As solicitudes deberán presentarse no prazo de 15 días hábiles – ata o 27 de xuño -, a través do Rexistro Xeral do Concello de Ourense, ou en calquera das formas previstas no artigo 16.4 da Lei 39/2015, do 1 de outubro, do procedemento administrativo común das administracións públicas.
