A Concellería de Seguridade Cidadá do Concello de Ourense colabora nas xornadas de Educación Viaria que durante esta semana organiza o Colexio Salesianos de Ourense, coa finalidade de que nenas e nenos tomen contacto directo co traballo que desenvolven os diferentes corpos de seguridade na cidade e aprendan boas prácticas e hábitos en materia de educación viaria. Policía Local, Bombeiros e Protección Civil achegaron o seu traballo diario e amosaron as súas dotacións de vehículos a uns 200 escolares de Educación Infantil e Primaria deste centro educativo.
A actividade forma parte dun proxecto que o colexio Salesianos desenvolve desde hai anos con escolares de Infantil e Primaria, e que cada ano culmina cunhas xornadas especiais, coa participación dos diferentes corpos de seguridade e un circuito de educación viaria