A Xunta de Galicia, promotora das obras de remodelación integral, comunicoulle ao alcalde que non pode certificar a recepción por problemas de persoal.
O Pavillón dos Remedios atrasa unha semana a súa inauguración -inicialmente prevista para mañá mércores, 13 de xaneiro-, xa que a Xunta, promotora das obras de remodelación integral, non pode certificar a recepción prevista. Fontes autonómicas comunicáronlle ao alcalde que se trata dun problema de persoal, a baixa dun arquitecto, o que impide este último trámite técnico-burocrático até o vindeiro luns, 18 de xaneiro.
A apertura ao público fíxase, daquela, para o mércores 20.
En calquera caso, as oficinas de atención ao público seguirán operativas, e xa renovan abonos desde este luns.
Visita cancelada. Aprázase así mesmo a presentación aos medios prevista para hoxe, que se adiará até a vindeira semana coa presenza no recinto do alcalde, Gonzalo Jácome, e de representantes da Xunta de Galicia.
