A xunta de goberno local do Concello de Ourense aprobou esta mañá o expediente para contratar a xestión integral da Praza de Abastos número 2 da cidade, no barrio da Ponte. No acordo, dispón a apertura do procedemento de adxudicación, polos tramites do procedemento aberto, cun canon que deberá ser, como mínimo, de 28.903,00 euros. Na mesma sesión a xunta local tratou un total de 11 asuntos presentados polas diferentes áreas municipais, entre eles, 4 licenzas de obra.
Licenzas (4)
· Licenza de obra para ampliación de garaxe almacén en Granxa de Santa Cruz
· Licenza de obra para teitar superficie contigua a un pendello de 28 metros cadrados na estrada de Vigo, Untes.
· Licenza urbanística de obra para proxecto básico e de execución para instalación de ascensor en edificio de vivendas sito na rúa Inmaculada.
· Licenza urbanística de obra para proxecto básico e de execución de reforma de portal e modernización de ascensor nun edificio da rúa Camino Caneiro.
Patrimonio (1)
· Estimar unha reclamación de responsabilidade patrimonial por danos a un vehículo e abonar una indemnización de 180,53 euros por danos a un vehículo.
Servizo de Contratación (1)
· Aprobar o expediente para contratar, mediante procedemento aberto, e tramitación ordinaria, a concesión administrativa da xestión integral da Praza de Abastos numero 2 da Ponte, coa correspondente aprobación do prego de cláusulas técnicas e administrativas particulares, establecéndose como canon mínimo a cantidade anual de 28.903,00 euros IVE incluído. No acordo, disponse tamén a apertura do procedemento de adxudicación, polos tramites do procedemento aberto.
Avogacía Consistorial (5)
A xunta de goberno deu conta de dúas sentenzas do Xulgado Contencioso-Administrativo número 2 de Ourense. Unha delas estima parcialmente un recurso en relación a unha reclamación de reintegro por gastos xurídicos. A sentenza fixa a cantidade a reintegrar en 22.000 euros. A outra estima a reclamación dunha condutora e condena o Concello a indemnizala en 236,92 euros polos danos sufridos no seu coche ao caerlle enriba un sinal de tráfico.
Tamén deu conta de que o Concello de Ourense deberá comparecer diante dos xulgados do Contencioso-Administrativo número 1 e 2 de Ourense, en 3 procedementos abreviados relativos a reclamacións de responsabilidade patrimonial.
