O Concello de Ourense rematou as obras de arranxo de humidades na Praza Recanto da Rosa, no barrio da Cuña. Os traballos consistiron no levantado do pavimento de lastra e o picado de soleiras para proceder á impermeabilización e posterior colocación de pavimentos e soleiras novas. Tamén se colocou unha nova canle para a recollida de augas, de maior dimensión á existente, conectada ás redes de servizo. A execución dos traballos supuxo un investimento de 48.826,25 euros (IVE engadido).