A Concellería de Turismo levará un expositor propio “onde ofreceremos información xeral da cidade, específica da Vía de la Plata – Camiño Mozárabe e adaptada para toda a familia, con planos específicos para nenos na zona histórica e dos recursos termais de Ourense. Sempre é positivo para a nosa cidade participar en eventos especializados en Turismo como é Expocidades”, sinala a concelleira Flora Moure
Expocidades, a Mostra Turística das Cidades do Eixo Atlántico, é unha ferramenta de promoción do turismo de proximidade das cidades do Eixo Atlántico e inaugúrase mañá ás 13:00 horas, manténdose aberta na Praza de Armas de Ferrol ata o domingo ás 19:00 horas
O Concello de Ourense estará presente na mostra Expocidades, que se inaugura mañá en Ferrol. Así, a Concellería de Turismo levará un expositor propio “onde ofreceremos información xeral da cidade, específica da Vía de la Plata – Camiño Mozárabe e adaptada para toda a familia, con planos específicos para nenos na zona histórica e dos recursos termais de Ourense. Sempre é positivo para a nosa cidade participar en eventos especializados en Turismo como é Expocidades”, sinala a concelleira de Turismo, Flora Moure.
Expocidades, a Mostra Turística das Cidades do Eixo Atlántico, é unha ferramenta de promoción do turismo de proximidade das cidades do Eixo Atlántico e inaugúrase mañá ás 13:00 horas, manténdose aberta na Praza de Armas de Ferrol ata o domingo ás 19:00 horas. Busca promover as nosas cidades no seu medio de mercado inmediato, así como tamén aproveitar para favorecer a relación directa entre produtores turísticos (turismo rural, programas de turismo de natureza programas de turismo de aventura, etc.) e comercializadores (axencias de viaxes e operadores).
