O Concello de Ourense, a través da Concellería de Educación, comeza a celebración do Entroido escolar. A primeira cita será mañá, 9 de febreiro, co Xoves de Compadres na Praza Maior ás 12.00 horas. Ademais das tradicionais loitas haberá música e distintas actividades de dinamización.
Porén, ao longo das últimas semanas foron preparando o Entroido nos seus propios centros. Así, 200 alumnos de 1º, 2º, 3º e 4º curso de Educación Primaria de catro centros de ensino da cidade -CEIP Irmáns Villar, CEIP Manuel Sueiro, CEIP Mestre Vide e CEIP As Mercedes- participaron en obradoiros organizados pola Concellería de Educación.
As nenas levarán os seus compadres confeccionados os días previos en obradoiros nos propios centros escolares coa axuda de monitores que levaron todo o material necesario para a súa realización.
Entroido escolar
As actividades escolares continuarán o vindeiro xoves, de Comadres, con actividades na Praza Maior, e cos desfiles do venres, 17 de febreiro, ás 11:00, 12:00 e 12:30 horas desde diferentes centros educativos da cidade.
