Home Ourense O Concello de Ourense inicia as obras de mellora da accesibilidade vertical...

O Concello de Ourense inicia as obras de mellora da accesibilidade vertical ao barrio da Cruz Alta

- Anuncio -

O alcalde Pérez Jácome presentou o proxecto, cun orzamento dun millón de euros, que mellorará a integración do barrio, a calidade de vida da súa veciñanza e revalorizará a contorna

O “Ourense vertical” continuará tamén co inminente inicio de obras nas rúas Pastor Díaz, Progreso, Avilés de Taramancos, Pérez Serantes e Rosalía de Castro

O Concello de Ourense inicia no día de hoxe as obras de mellora da accesibilidade vertical ao barrio da Cruz Alta, desde a rúa Xoán de Nóvoa até Nuno de Ousende. O alcalde, Gonzalo Pérez Jácome, presentou o proxecto, que ten un orzamento de 1 millón de euros e un prazo de execución de 6 meses. O obxectivo, explicou, é mellorar a comunicación entre o barrio da Cruz Alta o e o centro da cidade, a través de dous elevadores que salvarán a forte pendente que existe entre Xoán de Nóvoa e a igrexa da Milagrosa, cunha intervención que, asegurou, mellorará a calidade de vida da veciñanza do barrio e revalorizará a contorna.

Por este motivo, o alcalde destacou que “hoxe é un día sinalado para a cidade e para o barrio”, no que residen 4.000 habitantes, e que tamén verá mellorada a súa comunicacións por autobús. O rexedor explicou que, logo de analizar varias alternativas, o proxecto aposta por salvar a pendente existente a través de dous ascensores verticais, que constitúen a opción “máis viable, factible e integradora”, advertindo que “desde hoxe se revaloriza a zona porque a accesibilidade será moito máis fácil”. As obras serán executadas pola empresa ourensá Proyecón.

O alcalde adiantou que de forma inminente comezarán novos proxectos de mobilidade no marco do plan “Ourense vertical”, que desenvolve o Concello: a semana próxima comezarán as obras na rúa Nicomedes Pastor Díaz, que darán servizo ao barrio da Carballeira. Este mes comezará tamén a execución dos proxectos de mobilidade para conectar a rúa do Progreso coa rúa Concello, e en Avilés de Taramancos, desde o Parque Barbaña á rúa Ervedelo. A finais de febreiro, comezarán as obras na rúa Pérez Serantes, que dará servizo ás Mercedes e ao barrio de San Francisco e, en marzo, no barrio da Ponte, na rúa Rosalía de Castro, entre a pasarela e Vicente Risco

O alcalde subliñou que con estas actuacións, máis a da rúa Concordia, que prevé rematar en marzo ou abril, o Concello completará un circuíto de accesibilidade, co que “desde o nivel do río até San Francisco se poderá ir por sistemas de elevación vertical”, no que constituirá “”un dos eixos máis grandes de toda España” de mobilidade vertical.

Pérez Jácome anunciou tamén que o Concello traballa en novos proxectos destas características: desde a zona dos Viños a San Francisco, na rúa Coenga (proxecto xa redactado que se volverá licitar), na Rampla de Sás, na rúa Vasco Díaz Tanco (A Cuña), Amor Rubial (na zona de Bonhome), na conexión da Avenida Otero Pedrayo e a Avenida de Bos Aires, na Praza 500 (Barrocás) e na N-120 á altura da Praza 200.

Relacionadas

A Deputación colabora no proxecto “Aterra” do GDR Limia-Arnoia como “exemplo da suma de...

0
Manuel Baltar avanzou esta vía de cooperación tralo encontro que mantivo esta mañá no Pazo Provincial cos representantes da xunta directiva deste Grupo de...

A Deputación reforzará a colaboración co Concello da Merca en materia de prevención de...

0
O presidente do goberno provincial, Manuel Baltar, mantivo esta mañá un encontro de traballo co alcalde da Merca, José Manuel Garrido O presidente da Deputación,...

Castrelo de Miño acolle este domingo o Campionato Galego de Remo de longa distancia

0
A proba, na que colabora a Deputación de Ourense, reunirá a 150 deportistas de 14 clubs galegos, sumando en total 97 embarcacións inscritas O encoro...

A humanización da rúa Nicomedes Pastor Díaz obriga a cambiar, desde este luns, o...

0
O acceso ao barrio da Carballeira farase desde a rúa Vázquez Núñez, mentres que a Rampla Riestra cambia de sentido, para ser de baixada. Garantirase...

Establecer/ampliar o servizo de tren entre o Irixo, Carballiño e Ourense

0
O Grupo Municipal Socialista de O Irixo INSTA Ó GOBERNO MUNICIPAL Á DEIXAR AS FESTAS DE LADO E TRABALLAR POLO TRANSPORTE PÚBLICO NO IRIXO. Queremos...

A Deputación colaborou no proxecto do módulo bioclimático deseñado polo alumnado do IES As...

0
O proxecto, presentado esta tarde coa presenza do vicepresidente Rosendo Fernández, servirá de laboratorio sobre a eficiencia enerxética O vicepresidente primeiro da Deputación, Rosendo Fernández,...

Publicacións Relacionadas