O Concello de Ourense traballa na resolución do contrato da Praza de Abastos número 1, por un “incumprimento grave” por parte da concesionaria. A resolución do contrato de concesión sería o paso seguinte á orde de desaloxo do edificio da Alameda, aprobada onte pola Xunta de Goberno Local, un acordo que lles será comunicado “de forma inminente”.
O alcalde Gonzalo Pérez Jácome explica que “os servizos xurídicos do Concello entenden que podemos estar ante un claro caso de incumprimento grave por parte da concesionaria, dado que non está cumprindo a súa función: trasladarse e darlle un servizo á cidadanía”.
