O prazo de inscrición estará aberto desde mañá, 27 de novembro, até o 15 de decembro
O Concello de Ourense, Ecourense e CIFP Portovello organizan unha nova edición do Concurso de Escaparates de Nadal. O certame ten como finalidade darlle visibilidade e apoio ao comercio local dinamizando e ambientando a cidade durante estas datas festivas.
Os interesados poderán inscribirse desde mañá, xoves, 27 de novembro, até o 15 de decembro, enviando un correo a concursoescaparates@ourense.gal
O concurso repartirá un total de 9.800 euros en premios: un primeiro de 3.000, un segundo de 2.000 e un terceiro de 1.000, ademais de 7 accésits de 400. Como novidade, haberá tamén un premio especial de reciclaxe de 1.000.
As decoracións deberán estar expostas ao público, polo menos, desde o 15 de decembro até o 7 de xaneiro. O xurado valorará o impacto e o atractivo comercial dos escaparates tendo en conta a calidade da proposta, a estética e o marketing.
Toda a información e bases do concurso na páxina web do Concello.
